Chapter 44

Naabutan ko si Tita Margaret na nagkakape sa aming kusina. Hindi ko na pinatuloy si Hayes dahil alam kong may trabaho pa siya. 

Kitang-kita ko ang mapanuring mga mata ng tiyahin ko nang lumapit ako sa kaniya upang magmano. 

"Kailan mo makukuha ang mana?" Iyon ang kaniyang unang bungad sa akin. 

Kinunotan ko siya ng noo. 

Paulit-ulit ang tiyahin ko sa bagay na ito. Halos araw-araw yata ay ganito ang sinasabi niya sa akin. Hindi niya man lang tinanong kung saan ako nanggaling. Kung bakit hindi ako rito natulog. Kung bakit ngayon lang ako nakauwi. 

Humugot ako ng malalim na hininga at mabagal na umupo sa kaniyang tabi. 

"Hindi ko po alam. Hindi na po iyon mahalaga, Tita." 

Kitang-kita ko ang mabilis na pagsiklab ng iritasyon niya.

Nag-iwas ako ng tingin. Alam ko na ganito ang magiging r