Chapter 64

Hindi ko maiwasang makaramdam ng guilt habang tinatanaw si Tyrell ngayon dito sa aking tabi. Payapa lang ang paligid dito sa open field ng eskwelahan.

May mga pasa siya ilang parte ng kaniyang mukha. May nakadikit na band aid sa gilid ng kaniyang kilay. 

Ako lang mag-isa kanina rito ngunit bigla siyang sumulpot. Nagtataka nga ako kung bakit hindi niya binubuksan ang usapin tungkol sa nangyari kagabi. Mula kaninang umupo siya ay wala akong narinig tungkol doon. Nagdala pa siya ng ilang snacks at inumin.

"Uh, t-tungkol sa nangyari kagabi..."

Mabilis siyang lumingon sa akin galing sa malalim na pag-iisip. Tulala lang siya kanina at malayo ang tinitignan.

Tinitigan niya lamang ako, nag-aabang sa susunod kong sasabihin.

Kinagat ko ang labi ko. "Sorry dahil... hindi ko ginusto ang nangyari. Dahil sa akin, n-nasaktan ka."

Seryoso niya lang