Chapter 85

Ngumiwi ang staff sa akin nang nahuli akong umiirap dahil akala niya yata siya ang iniirapan ko. Ngumiti ako upang pabulaanan ang iniisip niya. 

"Are you tired?" bulong niya sa aking gilid nang tuluyan nang natapos ang shoot. Tapos na akong magbihis at naghahanda nalang dito sa dressing room. Nilingon ko siya at mabilis din akong nag-iwas ng tingin. 

"Ayos lang." 

Nagpatuloy ako sa ginagawa kahit pa na hindi ako kumportable dahil nasa tabi ko siya. Mabilis akong nag-spray ng perfume sa aking pulso.

"A-are you still mad? Pinabalik ko na si Dalton..." sambit niya na tila ba iyon ang makakapagpa-kalma sa akin. 

Abala ang ilang staff na narito rin sa dressing room. Kanina ay medyo maingay pa sila ngunit nang pumasok si Hayes biglang nanahimik ang mga ito at kahit bulungan ay wala ng maririnig. 

Humugot ako ng malalim na hininga at sinara