BOLCT-16

BOLCT-16

MARINEL

MAAGA ulit kaming nagising dahil pupunta na naman kami ng La Trinidad. Palabas na sana ako ng kuwarto pero bigla akong pinigilan ni Veronica.

"Isuot mo 'yan. Nagmumukha kang zombie sa itsura mo e!" sabi pa niya sabay bigay sa akin ng sunglass niya.

Napatakbo ako pabalik sa harap ng salamin. Diyos ko! Para nga akong sinaniban sa itsura ko.

"Ito, lagyan mo rin ng concealing cream para hindi talaga mapuna," dagdag niya.

Napanguso ako at sinunod ang utos niya. Pagkatapos ay sabay na rin kaming lumabas ng kuwarto. Pagkarating sa sasakyan, para na namang pinipiga ang puso ko. Mukhang mapapasubo ako nito. Magkasama si Nica at Andy sa unahan. Si Enzo at Moana naman, nasa likuran at mukhang mauupo ako sa kaliwang side ni Enzo. Napa-inhale exhale pa ako bago tuluyang pumasok sa kotse. Gaya nga nang nangyari, napapagitnaan namin si Enzo.

"What's with that sunglass cousin?" puna pa ni Moana sa akin. Nagpapanggap na naman siyang mabait sa harapan ni Enzo.

"For fashion," walang gan