Kabanata 5.2

Nang matapos si Darren ay inayos naman na ni Trina ang mga pinagkainan nila. Tinakpan niya na lang din ang mga pagkaing hindi nila naubos.

“Hayaan mo na lang diyan ang mga cleaners, bumalik ka na sa trabaho mo.” malamig pa rin niyang aniya. Lumabas naman si Trina ng wala ng salita.

“May pinagawa pa sayo si Sir? kumain ka na ba?” tanong ni Angel ng makita niyang bagong labas si Trina sa office ni Darren.

“Kumain na ako, huwag mo akong alalahanin.” Nakangiti niyang sagot. Bumalik naman na sila sa trabaho nila. Nakatuon lang ang atensyon ni Trina sa drawing niya. Lima na lang siguro ang iguguhit niya para makapamili si Darren.

Napainat na lamang siya ng mangalay siya, napatingin na lang siya sa paligid niya at napakunot noo ng makita niyang wala ng masyadong tao. Nilingon niya naman si Angel na abala pa ring nakatingin sa computer niya. Tiningnan niya ang oras niya ay alas sais na.

“Hindi ka pa ba uuwi?” tanong ni Trina sa kaniya dahil parang hin