Chapter 4

KISSES

“Ninong naman, you're still mad at me?” tanong ko sa kanya ngunit umirap lang siya sa akin. 

“Wag ka ng magalit please? pwede bang tulungan mo na lang ako sa OJT ko? sige na, please? kailangan ko iyon para maka-graduate!” 

“Fine, mag-report ka sa monday…” mahinahong saad niya. 

“At saka… pwede naman nating ulitin kung bitin ka pa…” mapang-akit na saad ko at hinaplos ang tuhod niya. 

Napaiwas naman siya. 

“Pwede ba Kisses?! not gonna happen again! tama na ang isang gabing iyon!” 

“Pero… I want–” 

“Enough! parehas lang tayong lasing non at saka ikakasal na kami ni Althea, siya ang mahal ko.” 

Napabuntong hininga na lang ako. 

“Basta mag report ka na lang sa monday, aalis na ako.” saad niya at tumayo at umalis. 

Ang harsh naman ni Ninong Bullet. Napakasuplado, pero… ibang-iba talaga siya nung gabing iyon kaya hindi ko makalimutan. 

The way he touches me, kisses me. The way he moved his body to me. The way he flirts with me with his dashing eyes. Para siya yung mga napapanuod kong lalaki sa mga telenovela noon. 

Bakit naman kasi… hindi na lang ako at yung Althea na iyon pa ang gusto niya? maganda naman ako, sexy at hindi hamak na mas bata ako compared sa Althea niya! tss! 

Maya-maya ay nag ring naman ang cellphone ko at pagtingin ko ay tumatawag si Althea. 

“Hello Beshie! papunta na ako!” 

“Hay naku, ngayon pa?! kung kailan wala na akong gana mag-swimming! tss!” 

“Pasensya na, may emergency kasi sa bahay eh, pero okay na, nakahanap na ako ng pambayad sa renta namin.” 

“Hays, bakit kasi hindi ka na lang humiram sa akin ng pera? papahiramin naman kita eh, hindi yung naghahagilap ka pa sa iba.” 

“Kisses naman, alam mo namang nahihiya na ako sayo sa dami ng naitulong mo sa akin…” 

“Ano ka ba, Joanna? wala iyon, ano? That's what friends are for! si tita ba kamusta?” 

“Heto, nagpapagaling pa pero maayos naman ang pakiramdam niya ngayon. Hay naku, ito na, pababa na ako! salubungin mo ako ng gate ninyo!” saad niya at pinatay ang tawag. 

Kaagad naman akong tumakbo sa gate kahit na naka two piece at sarong lang ako at sinalubong siya. 

“Beshie!” saad ko na tuwang-tuwa at nagbeso-beso kami. 

Si Joanna, ay bestfriend ko na mula pa noong high school at kahit na hindi siya nakapag-aral ng kolehiyo dahil sa hirap ng buhay ay gusto ko pa rin siyang palaging kasama. 

Mahirap lang sila Joanna ngunit mayaman siya sa pagmamahal. Iyon ang isa sa mga kinaiinggitan ko sa kanya. Baby pa lang siya nang iwan sila ng walang hiya niyang ama at simula non ay ang nanay niya na ang nag-alaga sa kanya. 

Nang mamatay naman ang mommy ko dahil sa sakit na breast cancer ay siya lang ang dumamay sa akin. Siya ang nasandalan ko noong dumadaan ako sa pinakamahirap at pinakamalungkot na yugto ng buhay ko. 

Naaalala ko pa nga na palagi kong gustong alagaan ang mommy niya at palagi kong gustong itanong kung anong lagay niya dahil hindi ko iyon nagawa noong nabubuhay pa ang mommy ko. 

Itinago niya sa akin ang sakit niya dahil ayaw niya akong mag-alala. Hanggang sa isang araw ay nabigla na lang kami na nasa stage 4 na ang cancer niya at mahirap ng labanan. Wala ring ka-alam-alam si daddy doon, hindi niya alam na may sakit si mommy na iniinda at ang palagi lang nitong sinasabi sa kanya ay masakit ang katawan nito. 

Ilang taon na rin ang nakalipas simula ng mawala siya ngunit dala-dala ko pa rin yung sakit hanggang ngayon. Napakabigat dahil hindi ko man lang nagawang alagaan ang mommy ko kaya bumawi ako sa nanay ni Joanna at minahal niya din ako na parang anak niya. 

“Beshie, ang sarap talaga dito sa inyo, sariwang hangin, pati mga prutas healthy at fresh!” saad niya habang kumakain ng pakwan. 

Nakaupo siya ngayon sa sun lounger kung saan naupo si Ninong Bullet kanina. 

“Beshie, kamusta pala kayo ng Ninong mo? si Ninong Bullet mo?” 

“Heto… wala lang.” 

“Wala lang? anong wala lang?” 

“Ang sakit sakit, Beshie!” 

“Bakit? anong nangyari?” 

“Nandito siya kani-kanina lang and sinabi niya sa akin na ikakasal na daw siya sa iba! paano naman ako? siya ang nakauna sa akin!” saad ko na umarteng parang iiyak ngunit hindi naman. 

“Aba, loko yan ah! anong pangalan niyan? Bullet?” 

“Castillejo…” saad ko at kinuha niya naman ang phone niya at parang nag search. 

“Ay, oo nga Beshie, ikakasal na siya. Tignan mo!” saad niya at ipinakita sa akin ang phone niya na naglalaman ng headlines sa isang website. 

“Oh diba?! bwisit siya!” 

“Eh… anong plano mo ngayon?” 

“Hindi niya akong pwedeng takasan ng ganito lang! kailangan niyang panagutan ang nangyari sa amin!”

“Panagutan?! hindi ka naman buntis, gaga ka ba?!” 

“Ah, basta, aakitin ko siya, makikita niya mapapasakin din siya!” saad ko na naniningkit pa ang mata. 

“Goodluck Girl! kaya mo yan, malandi ka eh! basta nandito lang ako palagi para sayo! I’ll support you! wag lang tayong makukulong dahil dyan sa kagagahan mo huh!” saad niya na tatawa-tawa. 

***

KINABUKASAN ay monday at nagbihis na ako kaagad para sa interview ko sa Castillejo Resort. Actually, kahit hindi naman na ako interview-hin ng HR ay makakapasok naman ako dahil nagsabi na kami ni daddy kay Ninong so, this is just formality. 

Nagsuot lang ako ng black pencil cut na palda at puting blouse na tinernuhan ko ng black na closed pointed shoes at kinulot ang buhok para seductive eme at naglagay ng red lipstick. 

Napatingin ako sa salamin at pinasingkit ko ang aking mga mata. 

“Ang ganda ganda mo Kisses! Ikaw na talaga ang pinakamagandang babae sa balat ng lupa!” saad ko sa salamin at ngumiti. 

Kaagad na akong nagpunta sa Castillejo Hotel and Resort para sa interview ko. 

Simple questions lang naman ang ibinigay sa akin at pinagsimula na nila ako kaagad. 

Ipinakilala nila sa akin si Elise, isa sa mga staff doon na magte-train sa akin sa pagta-trabaho sa buong resort. 

Okay naman siya at hindi strikta. Madali kaming nagkasundo actually, dahil magka-edad lang kami at working student pala siya at nag-aaral sa public college. 

“Oh ayan, ito ang uniform natin ah, medyo strict kasi si Sir Bullet pagdating sa uniform and gusto niya talaga maayos kaya sige na, magpalit ka na at isuot mo na yan, kasya naman siguro sayo.” saad niya at binigay sa akin ang mini dress na color navy blue. 

Backless dress iyon na parang pang Hawaiian ang dating dahil sa mga bulaklak na gumamela ang design. Kailangan din pala namin magsuot ng bulaklak sa tenga para maaliw daw ang mga customers pag nakita kami kung kaya't ginawa ko na lang. 

Humarap ako sa salamin at kumindat at nagpractice na ngumiti dahil in-assign ako ni Elise sa main entrance ng resort. 

“Hi, welcome to Castillejo Hotel and Resort!” magiliw na pagbati ko sa mga pumapasok na customers at nginingitian din nila ako pabalik kung kaya't masaya ako. 

As someone na spoiled brat ay malaking achievement ito para sa akin.