CHAPTER 61 “MORNING DEW 2”

NAGING masaya ang pagsasalo nilang iyon sa almusal. Kahit kung tutuusin ay late na iyon para sa isang normal na oras ng agahan. Kaya naman inisip ni Jenny na ang lahat ng sinabi ni Jason kaninang nasa loob pa silang dalawa ng kwarto nito ay nakalimutan na ng binata. Pero nagkamali siya. Dahil matapos nilang makapagligpit ng mga pinagkainan nila sa kusina ay mabilis at walang anumang salita siyang pinangko ng lalaki na labis niyang ikinabigla kaya siya napatili.

“Ano ba! Ibaba mo nga ako!” aniyang pinilit na kumawala pero mabilis siyang nagawang pakalmahin ni Jason sa pamamagitan ng pag-angkin nitong bigla sa kanyang mga labi.

“Sinabi ko naman sa iyo hindi ba? Hindi pa tayo tapos,” iyon lang ang muli na nitong itinuloy ang naudlot nitong mapusok na paghalik sa kanya.

Sa banyo sa loob ng kwarto nito siya ipinasok ng binata saka doon ibinaba pero hindi nito pinakawalan ang mga labi niya. Siguro iniisip ni Jason na baka bigla niya itong takasan k