Chapter 17

Nette POV

HINDI AKO tumigil sa pagpadyak ng aking mga paa upang pakawalan niya ako ngunit hindi niya ginawa. Halos mawala na ako sa sarili sa pagsigaw ngunit hindi niya lamang ako pinapansin. Hanggang sa makarating kami aking silid hindi niya ako binitawan.

"Jusko!" Nadaing ko dahil bigla niya akong hinagis sa kama. Nanlalaki ang mga matang napatingin ako sa kanya na ngingisi ngising nakapamewang at tuwang tuwa sa kanyang nasasaksihan.

"Higa." Madiing tugon niya. Mas lalo akong tinambol ng kaba dahil hindi ako makapaniwala sa kanyang mga sinasabi.

"N-Naririnig niyo po ba ang sinasabi niyo?"

"Oo dahil hindi ako bingi, humiga ka na."

"Ayoko po." Apila ko at akmang tatayo ako pero sumigaw siya na ikinaigtad ko.

"Humiga ka sabi e. Hihiga ka o ako maghihiga sa'yo." Pinanlisikan niya ako ng mga mata. "At kapag ako naghiga sa'yo ay huhubaran kita." Wala na akong nagawa kundi ang sunod sa kanya. Inayos ko ang aking s