Kabanata 9

Blair Castro

WALA akong imik na bumalik sa school matapos kong magpaalam kay kuya. Kumain naman na ako ng pananghalian kasama si Lira kaya tutuloy na ako sa school para sa susunod na klase ko sa isa pang section ng kindergarten na pang-hapon.

Pagkatapos umalis ni Lukas kanina ay inaya ako ni kuya na kumain pero tumanggi ako dahil tapos naman na ako. Nawalan talaga ako ng gana at biglang nanghina. Ni hindi ko na naitanong kay kuya kung kumusta ang lakad niya—hindi rin naman siya nagsalita marahil ay sa pag-aalala.

Literal na tulala ako. Hindi katulad kaninang umaga na magana ako sa pagtuturo, ngayon ay para akong lantang gulay. Nagbigay nalang ako ng assignment sa mga bata at hinayaan ko na silang maglaro.

Kinuha ko ang cellphone ko saka pinakatitigan ang nasa lockscreen ko. Litrato ito ni Lira habang nakangiti siya at bakas sa mga mata ang saya. Kinuha ko ito sa social