3 Police Captain Luna Rose Enriquez

Makalipas ang isang linggo na walang usad ang kaso ay tumambad sa aking lamesa ang isang pang murder case. “Ano to?” tanong ko kay Richard.

“Bagong kaso po ma’am. Inutusan po ako ni Police Colonel Santos na ibigay sa ating headquarters ang kaso na ito,” sabi niya sa akin.

Hindi ko naman masisisi si Colonel Santos dahil alam kong malaki ang tiwala niya sa namin na Special Crime Investigation. Pero hindi ko rin inaasahan na magkakaroon ulit agad nang panibagong murder case na kailangan maresulba.

Hinawakan ko ang papel na nakalapag sa aking lamesa at binasa ang nakapaloob dito. “Emilio Perez, apat na put anim na taong gulang, kasal, nakatira sa Sta. Lucia Del Monte Street, isang business man na may apat na anak,” pagbabasa ko. Napahawak ako sa aking sentido dahil biglang sumakit ang aking ulo.

Napatayo ako sa aking kinauupuan nang biglamg pumasok si Alexander sa pintuan nang hindi man lang kumakatok. “Sir Alex good morning.” Sumaludo ako sa kanyang bilang pagbigay galang.

“Hawak ko na ang autopsy result,” pabungad sa amin ni Alexander. “Siyam na bala, isa sa ulo at walo sa katawan. Buo ang katawan nang ma-recovered sa crime scene walang hiwa o kahit na ano. Tanging baril lang ang ginamit upang patayin ang biktima,” pagsasaad pa ni Alex sa amin dalawa ni Richard. Hindi pa kase nakakarating si Celyn masyado pa kaseng maaga.

“Anong resulta nang forensic examination?” tanong ko kay Alex sabay tiningnan ko rin ang papel na hawak niya.

“Same bullet diameter sized, same came length and the same gun ang ginamit,” sagot niya sa akin. Nakita ko ang mukha ni Alex na seryoso ang ginagawa niyang pag-iimbestiga sa kaso.

“When a gun is fired, and the bullet blasts down the barrel, it encounters ridges and grooves that cause it to spin, increasing the accuracy of the shot. Those ridges dig into the soft metal of the bullet, leaving striations kaya doon natin malalaman na pareho ang baril na ginamit sa dalawang biktima,” pagsasaad niya sa amin.  

            Napahanga ako sa kanyang eksplanasyon kahit alam ko naman din iyon. “Nine bullets?” bulong ko sa aking sarili.

“Why? What are you thinking Miss Enriquez?” tanong sa akin ni Alex sabay tiningnan ako nang direkta sa aking mga mata.

“I think it has a pattern. Pero hindi pa ako nakasi-siguro. Hindi ko alam kung tama ang hinala ko. Naalala mo ba ang last week na murder case kay Robert Malinao? May ten bullets sa kanyang katawan including his head. Maaaring may sinusundan ang mga killer,” pagpapaliwanag ko kay Alex.

“Maaaring tama ka. Maari din na nagkataon lang ito o ito talaga ng gusto niyang iparating sa atin ang magbilang?” sabi ni Alex. Nakita kong napapaisip din siya sa krimen na nagaganap.

            “Kung may pattern ito? Paano mo maipapaliwanag ang putol-putol na katawan ni Mister Robert Malinao? Bakit hindi niya ginawa sa pangalawang biktima niya?” pasingit na tanong ni Richard. Hindi ko din alam. Pero posible kayang may koneksyon ito sa unang krimen na nangyare.

“Kailangan na natin umalis, kailangan na natin pumunta sa pamilya nang mga biktima at humingi nang statement nila,” utos sa amin ni Alexander.

Pero inisip kong wala pa si Celyn. Alam ko ay palagi siyang sumasama sa mga lakad namin. Wala akong choice kundi ang sumama nalang kay Alexander dahil ito ang utos niya.

Bago ako umalis ay pinag-bilinan ko si Richard na dumito muna sa loob nang aking office hanggang sa makarating si Police Lieutenant Celyn. Kaming dalawa ni Alex ay sumakay sa kanyang kotse at pumunta sa bahay nang biktima.

Nang makarating na kami doon ay mabuti nalang at pumayag ang asawa ni Mister Perez na magbigay nang impormasyong nalalalaman niya.

            Inilabas ko ang aking notebook at ballpen para isulat nag lahat nang kanyang sasabihin. “Kayo po ba ang asawa ni Mister Perez?” mahinahong tanong ko sa kanya.

“Oo ija,” sagot niya sa akin at doon nag simulang tanungin ni Alexander si Lily Perez.

“May nalalaman po ba kayong naging kaalitan nang inyong asawa?” paunang tanong niya sa ginang.

“Wala akong maalalang naging kaalitan niya. Wala rin siyang nababanggit sa akin patungkol sa kanyang trabaho o kahit na sino mang naging kaaway niya sa trabaho,” sagot sa amin ni Lily Malinao.

Agad kong isinulat lahat nang lumalabas na salita sa kanyang bibig na maaari namin magamit.

“Kayo po bang mag asawa ay nagkaroon ng away o alitan bago nangyare ang krimen?” pangalawang tanong ni Alexander sa kanya.

            “Oo, mahigit isang linggo kaming nag-aaway dahil may babae siya,” hindi namin inaasahan na sagot ni Lily. Nagkatinginan kami ni Alex at posibleng magkaroon kami nang panibagong lead dahil sa narinig namin.

            “Maaari ba ba namin malaman kung sino ang babae ang iyong tinutukoy?” tanong ko sa kanya.

“Lea Yuki. Isang haponesa. Siya ang secretary nang aking asawa sa kanyang opisina, Itinago nila ang kanilang relasyon sa akin nang mahigit dalawang buwan. Nang mahuli ko sila ay tumigil naman sila sa kanilang ugnayan. Pero hindi ako nakakasiguro dito. Ang huling pag-uusap namin nang aking asawa ay nagpaalam siya sa akin na may bibilhin lang daw siya sa labas pero ang hinala ko ay nakipagkita siya sa kanyang babae,” sabi ni Misis Perez sa amin. Sa sinabi niya ay may malaking posibilidad na ang kabet nang asawa ni Misis Perez ang pumatay.

            “Isang tanong nalang po. Anong sa tingin niyo ang naging motibo sa pagsagawa nang krimen?” tanong sa kanya ni Alex. Napakunot ang noo nang babae sa tanong ni Alexander. Napatayo ang babae at inutusan kami na lumabas na sa kanyang bahay.

“Bakit mo itatanong sa akin kung ano ang naging motibo sa krimen? Pinaghihinalaan niyo ba ako na ako ang pumatay sa aking asawa? Sa tingin niyo ba ay magagawa ko ang karumal-dumal na krimen na ito?!” Pasigaw sa amin ni Misis Perez.

“Mga walang kwenta! Magsilayas na kayo at huwag nang babalik dito!” Isang malakas na pagsara nag pintuan ang narinig namin. Hindi ko napigilan ang aking sarili na tanungin si Alexander kung bakit niya iyon tinanong kay Misis Perez.