Kabanata 42

Continuation

Hindi muna ako dumiretso sa aking bahay dahil naalala kong may usapan kami ni Jofel na magkikita sa Santinos park. 

Nang makarating ako doon ay iginarahe ko sa gilid ang aking sasakyan bago bumaba. Inilibot ko ang aking paningin sa paligid at naghanap ng bakanteng upuan. Nang may nakita ako ay nilapitan ko iyon at naupo.

Hindi ma-tao ang lugar na ito kaya ito ang napili ko. Bukod doon ay napaka presko din ng hangin. Nagawi ang paningin ko sa isang pamilya na masayang nakukuwentuhan sa gilid. Kaagad naman akong nakaramdam ng inggit.

Sana lahat buo ang pamilya. Sana lahat masaya kagaya nila.

Iniwas ko ang aking paningin nang mapansin nilang nakatingin ako sa kanila. Kinuha ko na lang ang cellphone ko para mag online. Para naman malibang ako. Pero wala pang sampong minuto ay nag sawa na ako. Itinago ko na ulit ito sa aking bulsa bago napatingin sa aking relo.

<