Chapter 17

Alas tres na ng hapon ay nakahilata pa rin si Betsy sa kanyang kama habang inaalala ang nangyari sa kanila ni Devyn kagabi. Napabungisngis siya sa sarili habang nakatalukbong sa kumot na maglilimang buwan na niyang hindi pa nalalabhan. Sinisinghot niya ito nang bigla na lang nag-ring ang cellphone niya. Kinapa niya ito sa ilalim ng unan at saka binuksan. Tumatawag pala si Pam.

“Malapit na ako sa apartment mo,” bungad nito kaagad.

Nalito siya. Wala naman silang naging usapan na magkikita ngayong araw. Sinubukan niyang suriin sa memorya kung may nakaligtaan ba siya pero wala talaga.

Napakunot siya ng kanyang noo. “Ha? Bakit?”

Tumahimik ang linya ni Pam at bigla na lang siyang nakarinig ng sunud-sunod na katok sa may pintuan. Pinutol na nito ang tawag.

“Open up!” Boses ni Pam.

Mabilis siyang bumangon at nagtungo na sa may pintuan. Pinagbuksan niya na ang kaibigan at dere-deretso naman ang g