Kabanata 29

TINULUNGAN SIYA ni Joro upang malaman kung nasaan ang mga kaibigan niya. Sinabi ni Joro sa kaniya na nasa sementeryo ang dalawa kaya ay agad siyang nagpasama papunta rito.

Habang nasa biyahe kanina ay kaniya ring nalaman na palaging nasa sementeryo ang dalawa tuwing dapit-hapon. Malalim na rin ang gabi kung umuwi ang dalawa.

Grabe ang Papa niya kung makapag-effort sa libingan niya. Bumuga siya ng hangin upang gumaan ang pakiramdam niya. Kumulo ang dugo niya nang paulit-ulit niyang naaalala ang ginawa ng Papa niya.

Ikinubli niya sa likod ng kahoy ang kaniyang sarili. Ilang metro na lang ang layo niya sa mga kaibigan niyang nagluluksa ang mga mukha.

"Grabe, Yura, 'no? S-Sana nawala na lang siya sa atin noong mga bata pa tayo. B-Bakit ngayon pa kung kailan marami na tayong mga ala-alang nabuo na magkakasama? This is unfair and I don't know how to accept the fact that she is not with us anymore," anang Hanare.

Gumulong ang mga butil ng luha mula sa kaniyang mga mata, pababa sa kaniyang