Kabanata 9

NASA LOOB ng bag store ang tatlo. Bigla na lang nagmadali si Hasumi marahil nakita niya na nasa loob rin pala si Sathania.

"Yumi! Akala ko ba bibilhan mo kami ng bags?" tanong ni Hanare.

"Sa ibang store na lang!" aniya.

Napabitaw na lamang si Hakura sa hawak niyang hand bag. "Ano ba iyan!? Dito namin gusto," sabi ng kaibigan niya.

"Tara na! Hays!"

Napalunok na lang siya nang lumapit sa kaniya si Sathania na may kasamang babae. Napaisip si Hasumi kung paano tratuhin ni Sathania ang babaeng kasama niya. Mukha kasi itong alalay.

"Hindi ko alam na pareho pala tayo ng gusto, Newbie," sabi ni Sathania sa kaniya. "Ito kasi ang isa sa mga paborito kong stores sa loob ng Y-Mall. Magara kasi ito compared to others. Mamahalin at worth the price ang quality ng bags," imporma ni Sathania sa kaniya.

Gusto niyang tumawa marahil sa pinagsasabi ng babae. Kung alam lang nito na bawat sulok ng Y-mall ay memoryado niya ay tiyak siyang magugulat ang babaeng kaharap niya ngayon.

"Ay wow! May new fr