Kabanata 2

THIRD PERSON's P O V

"No! Hindi ako papayag! Sa akin lang dapat si Vaughn!" Umiiyak na sigaw ni Sam nang malamang nag-propose at malapit nang ikasal ang binatang kanyang pinagpapantasyahan

Padabog siyang umakyat sa second floor ng kanilang bahay. Naiiling na lamang tsaka nagkatinginan ang kanyang mga magulang na naiwanan sa kanilang maluwang na sala. Narinig kasi ni Sam — na kadarating lamang galing sa school, ang kwentuhan nilang mag-asawa na kinukuha silang major sponsor nga nila Vaughn at Yvonne sa kasal ng mga ito.

"Hayst, hanggang ngayon talaga ay hindi pa rin nakakalimutan ng anak mo ang kaibigan ng kuya niya!" Naiiling pa ring sambit ni Ginoong Reynaldo

"Baka nga totoong inlove iyang dalaga mo kay Vaughn." wika naman ni Ginang Amanda na halata sa may edad na mukha pero halata ang kagandahan noon kanyang kabataan ang simpatya para sa nag-iisang anak na babae.

Mahirap siyang magbuntis kaya nga malaki ang agwat ng edad ng dalawa nilang anak na sila Samantha at Samuel. Laking pasasalamat pa nga nila at lalaki at babae ang ibinigay sa kanila.

Hindi naman lumaki ang mga anak nila na spoiled, ito nga lamang pagkahumaling ni Sam kay Vaughn ang hindi nila masuheto. Hinayaan naman kasi nila dahil wala namang ginagawa pang masama si Sam. Buong akala lamang kasi nila ay mawawala rin ang pagkahumaling nito sa binatang CEO ng local TV network. Dahil madalang naman na ang mga itong pumunta rito sa bahay nila, lalo na no'ng nakatapos nang pag-aaral dahil hinawakan na nila ang negosyo ng kani-kanilang pamilya. Bilang inspiration na rin sa pag-aaral nito dahil matataas ang lahat ng grado ng anak na babae at Dean's Lister pa nga. Hindi nila akalain na hahantong sa ganitong punto na magbabanta pa si Sam.

"Tsk! Kaya lumalaki ang ulo niyang dalaga mo, kinukunti mo!" Paingos na sambit ni Ginoong Reynaldo

"Anong kinunsinti ko!? Ikaw rin naman ang maysabing hayaan na at mawawala rinang crush niyang anak mo kay Vaughn!" Pairap na wika pa ni Ginang Amanda sa kanyang Mister, kaya mahina itong natawa

"Ano naman kaya ang kayang gawin ng anak mong dalaga para maangkin ang kanyang crush?" Patanong nitong pahayag pa

"Aba! Malay ko! Pupuntahan niya siguro sa istasyon at doon mag-e-eskandalo?!" Tika belewalang tugon pa ng Ginang

"Baka nga gawin iyan ng anak mo!?" Kunot ang noong wika pa ng Ginoo

"Naniwala ka naman! Ganoon lang ba kadaling makapasok sa opisina ni Vaughn ang isang college student?!" Tumayo na lamang ang Ginang, "Puntahan ko muna ang anak mo!" Paalam pa niya at tinungo na ang marangyang hagdan na yari sa solidong kahoy at may pulang carpet pa, hindi na nga niya hinintay na sumagot ang asawa

Nabibilang sa mayayamang pamilya ang magkakaibigang Sammy, Vaughn, Raven, Medel at Boogie. Kaya pagka-graduate nila ng college ay sipa na nga ang CEO ng negosyo ng pamilya. Kaya naman mas lalong dumalang ang pagkikita nilang lima. Kahit nga silang mga magulang ng mga ito ay kapag may okasyon o party ng kapwa nila negosyante lamang nagkikita-kita.

"Sam! Baby! Papasok si Mommy, ha!?" Tawag naman ng Ginang sabay katok at nang matuklasan niyang hindi naman naka-lock ang pinto ng silid ng anak na babae.

"Bakit? Ano ang problema ng dalaga namin?" Nag-aalalang tanong pa niya kahit alam naman ang sagot kung bakit nag-ngunguyngoy ang anak habang nakasubsob sa unan.

Umupo siya sa tabi nito tsaka sinuklay ang mahaba at makintab na buhok nito. Hindi na nga nagawang magpalit ng damit pambahay. Suot-suot nito pa rin ang school uniform.

"Sabihin mo kay Mommy kung ano ang problema, hmmm?" Masuyong tanong ulit niya sa anak

"M-Mommy si Vaughn, m-mahal ko po talaga siya! Hindi ko po kakayanin kapag iba ang pinakasalan niya!" Sa pagitan nang pag-sniff at sobbing ay inamin ni Sam sa Ina kung bakit siya tumatangis.

Tumihaya na rin siya kaya pinunasan ng Mommy niya ang kanyang pisngi na puno ng mga luha gamit ang tissue.

"Marami pang ibang lalake riyan, anak! Bata ka pa, humanap ka na lamang ng ka-edad mo. Ayaw mo no'n same kayo ng hobby at pasion. Samantalang kay Vaughn ay malaki ang agwat ng edad n'yo, baka hindi rin kayo magkasunod dahil nga magkaiba na kayo ng mga hobbies." Paliwanag naman ng Ginang

"No! Mommy! Si Vaughn lang ang mahal ko!" Kontra agad ni Sam at ipiniksi pa ang katawan bilang hindi pag-sang-ayon. "Hindi ko kakayanin, Mommy kung iba ang magiging asawa niya at hindi ako!" Dugtong pa niyang sambit

"Paano ang gagawin natin, anak? May Fiancee na siya at si Yvonne iyon. Umpisa mo nang kalimutan ang kaibigan ng kuya mo. Akala ko naman ay crush mo lamang siya" pahayag pa ng Ginang

"No! It's love, Mommy. Ayaw n'yo naman po kasing maniwala sa akin e! Sinunod ko na nga po kayo na lumayo muna sa kanya dahil bata pa ako at nag-aaral. Tapos ngayon malalaman kong ikakasal na siya sa ibang babae!" Umatungal na naman siya nang iyak

Kaya naman nakakaunawang pinagmasdan lamang siya ng kaniyang Ina.

"Gusto mo mag-out of the country muna tayo para makapag-unwind? Para unti-unti mo na rin siyang makalimutan?" Parang bata namang inalok siya ng Ginang

Subalit, malakas na panaghoy lamang ang kanyang isinagot sa suhestyon ng Ina. Kaya naman napahugot na lamang ito ng malalim na buntong hininga. At hindi malaman kung paano papakalmahin ang anak na broken hearted.

Sinuklay na lamang ang mahabang buhok gamit ang mga daliri ng dalagang anak sa kawalan nang sasabihin. Hanggang sa marinig niyang mahina na itong naghihilik.

Tumayo na siya at bumaba sa kama, siya na ang naghubad ng suot nitong sapatos tsaka school uniform bago pinalitan ng damit pambahay.

"Naku, yaya! Ibalik mo na 'yan sa kusina at nakatulog ang alaga mo sa kakaiyak." Pahayag ni Ginang Amanda nang makasalubong sa hallway sa second floor ng bahay nila ang tagapag-alaga ni Sam

"Huh!? Bakit po umiiyak? May masakit daw ba sa kanya!? Masakit ang ngipin? Ang ulo? Ang tiyan?" Bakas ang pag-aalala sa boses at mukha ni Yaya kaya mahina na lamang natawa ang kaniyang Amo.

Inakbayan pa siya nito sa balikat at magka-agapay na silang naglakad pababa sa first floor ng bahay.

"Hindi, ya." Malalim na namang napa-buntong hininga si Ginang Amanda bago sumagot

Malakas namang napa-singhap ang tagapag-alaga ni Sam pagkatapos marinig ang dahilan kung bakit nakatulog sa dalamhati ang kaniyang alaga. Nahinto pa nga ito sa paghakbang, gayundin ang Ginang.

"Naku! Kaya po pala, Ma'am! Kawawa naman ang alaga ko!" Malungkot din wika ni Yaya

Itinuloy na nila ang pagbaba sa sala tsaka dumiretso sa dining room.

"Seryoso ba talaga, Yaya ang alaga mo kay Vaughn? Akala ko naman ay crush-crush lang niya ang binatang CEO?" Usisa naman ng Ginang, siya na ang kumain ng meryenda na para sana sa anak

Kahit naman kasi close silang mag-ina ay baka may naiku-kwento ang anak na dalaga sa Yaya nito na nahihiyang i-open sa kanya.

"Opo, Ma'am! Akala ko po crush lang pero habang lumalaki siya e laging bukang-bibig niya ang kaibigan ng kuya niya." Pag-amin naman ni Yaya. "Dahil inspirasyon nga po niya si Vaughn. Kaya nga raw po pinag-bubuti niya ang kanyang pag-aaral para ipagmalaki siya ni Vaughn kung sakali kahit malaki ang agwat ng kanilang edad." Mahabang paliwanag pa ng tagapag-alaga ni Sam

Idinagdag din niya na ipinaliwanag niyang mabuti sa alaga na magtapos muna ito nang pag-aaral. Para kung sakali raw ay hindi siya masabihan ni Vaughn na bata pa para sa kanya dahil degree holder na siya. Pinaintindi din niyang kailangang maghintay ng babae na ligawan siya ng lalaki para hindi masabihan na easy to get. Nakinig naman nga si Sam kaya nga sa malayo na lamang niya ito pinagmamasdan tsaka sa social media account binata. Dahil nangako itong kapag nakatapos nang pag-aaral ay pwede na siyang lumapit sa binata.

Kaya naman napabuga na lamang ng hangin ang Ginang.

"Paano ang gagawin natin ngayon, hindi raw siya papayag na maikasal si Vaughn sa ibang babae." Problemang wika pa ng Ginang

" Diyos ko! Unang pag-ibig ng alaga ko e brokem hearted agad!" Bulalas pang saad ng Yaya, problemado rin ang mababakas sa kanyang mukha

"Kung sa ibang bansa na kaya siya magpatuloy nang pag-aaral? Baka roon ay makalimutan niya si Vaughn kapag may bagong kakilala at lugar?" Suhestyon pa ng tagapag-alaga ni Sam

"Nag-suggest nga akong mag-out of the country trip kami, mas lalo lang umiyak e!" Pahayag naman ng Ginang

Napakamot na lamang sa kilay si Yaya. Hindi rin kasi niya alam ang isasagot. Hindi lamang siguro masabi sa amo na ano ba ang maipapayo sa kaniyang alaga e kahit nga siya ay wala namang lovelife? Dahil sa hirap ng buhay ay pumasok agad siyang tagapag-alaga para matulungan ang pamilta sa probinsya. Nakailang amo muna siya bago napunta rito sa pamilya Santos at dito na nga siya tumanda na hindi na inisip na magkaroon ng sariling pamilya.

Hanggang sa kumakain na sila ng hapunan ay mahimbing pa ring natutulog si Sam kaya hinayaan na lamang nila dahil siguradong iiyak lamang ito kapag nagising.

"Tsk! Ano naman po ang gagawin niya para pigilan ang kasal ng kaibigan ko!? Pupunta sa gitna at sisigaw!?" Naiinis namang wika ni Sammy nang i-kwento ng nga magulang nila ang insindeteng pagkakarinig ni Sam tungkol nga sa nalalapit na kasal ng kanyang hinahangaan na si Vaughn

"H'wag na lang natin sabihin ang exact date! O kaya pumunta tayo abroad kapag araw na ng kasal nila Vaughn at Yvonne para hindi magka-hinala ang kapatid mo?" Suhestyon ng kanilang padre de pamilya

Hanggang sa naging abala na sila sa pag-iisip kung paano nga hindi malalaman ni Sam ang eksaktong petsa ng kasal ng kanyang crush. Bago naman sila natapos kumain ay may nabuo na silang plano, mabuti na rin at tulog ito kaya hindi narinig ang kanilang pinag-uusapan.