Kabanata 3

THIRD PERSON P O V

" Anak, hindi ka ba papasok sa school? " masuyong tanong ng Ginang sa anak na dalaga na naka higa man sa malambot at malapad na kama subalit malayo naman ang tingin nito, tila nga wala ito sa sarili at hindi naririnig ang kaniyang Ina.

" Samantha Rose! Kinakausap kita! " bahagya ng tumaas ang timbre ng boses ni Ginang Amanda kaya naman napilita si Sam na umupo sa kama

" Ma- Masama po ang pakiramdam ko, Ma. " Paos ang boses na tugon niya

Agad naman siyang nilapitan ng Ina at sinalat ng palad ang kanyang noo at leeg.

" Naku! Mataas nga ang lagnat mo! Papadalhan kita ng lugaw kay Yaya para makainom ka ng gamot! " bulalas na wika pa ng Ginang

Hindi na lamang kumibo si Sam bagkus at nahiga ulit siya.

" Tatawag na rin ako sa school n'yo para ma- excuse ka sa klase. " sambit pa ng Ginang

Wala naman siyang naririnig na tugon mula sa anak.

Lumabas na nga muna siya sa silid ni Sam at nag mamadaling tinungo ang kusina para magpa luto ng lugaw para sa anak na dalaga.

Mabilis naman siyang sinunod ng mga kawaksi.

" Kumusta si Sam? " masuyong tanong ni Yaya sa among babae

" Ayun! Matamlay at mugto ang mga mata. " matamlay namang saad ng Ginang, " Hayst! Ang batang iyan, akala mo gano'n- gano'n lang ang pag- ibig! " dugtong pang wika ng Ginang na naiiling

" Talagang tinamaan ang alaga ko kay Vaughn. " naiiling namang saad ni Yaya

" Paano ang gagawi natin, Yaya sa alaga mo? " puno naman ng pag- aalala ang mababakas sa mukha ng Ginang

" Babantayan ko na lang siyang mabuti, pero sinisigurado ko naman sa inyo na hindi gagawa ng hindi maganda si Sam. Pero natural lamang sa kanya na mag mukmok at masaktan dahil first love niya talaga si Vaughn at lagi niyang binabanggit na hindi na siya mag- aasawa kung hindi lang din ang kaibigan ng kuya niya ang kanyang magiging Mister. " mahabang litanya pa ni Yaya

Mas lalo namang na lungkot ang Ginang. Pero wala naman siyang magagawa, ayaw naman niya o nilang mag- asawa na kunsintihin ang kagustuhan nito. Kung marami ang magiging affected.

" Siya, punta na ako sa silid niya at dalhin ko itong lugaw para mainitan ang sikmura niya. " paalam ni Yaya nang makaluto ang mga kasambahay at ihanda ng nga itong ang pagkain ng dalaga.

" Sige, susunod ako maya- maya. " tugon pa ng Ginang

Binitnit na nga ni Yaya ang tray na may naka patong na puting bowl na may takip na may lamang lugaw, isang basong tubig, isang basong orange juice at isang platito na sliced fruits.

" May sakit ka raw? " masuyong saad niya pag pasok sa silid ng alaga pagkatapos niyang kumatok at sabihin nitong pumasok na siya

Dinatnan niya itong nakahiga habang naka sandig sa headboard ng kama ang likod at naka titig sa kawalan.

Kahit naman dalaga na ito at close sila ay nirerespeto pa rin niya ang privacy ng mga amo.

" O- Opo, yaya, a- alam mo na po ba ang balita tungkol kay V- Vaughn? " basag ang boses na tugon ni Sam na may halong kumpirmasyon

" Oo, binanggit ng Mama mo sa akin. Kumain ka na muna para makainom ka ng gamot. Sayang ang isang araw mo, hindi ka tuloy naka pasok sa eskwela. " pahayag pa ni Yaya na may halong pag- aalala

" Hindi na ako papasok, Yaya. Tinatamad na ako, kaya nga ako nag sisipag na mag- aral para maipagmalaki ako ni Vaughn na kahit bata ako ay matalino naman. Tapos . . . " naiiyak namang tugon niya

" Kumain ka na muna para malamnan ng pagkain iyang sikmura mo at makainom ka ng gamot. " masuyong saad pa ng kanyang tagapag- alaga

Ipinatong naman nito ang tray sa hita ng alaga at nag simula na nga itong kumain.

" Bakit pababayaan ko ang pag- aaral mo? Sabihin pa nila sa'yo para kaunting pag subok lang susuko ka na agad. Hindi pa naman sila naikakasal, marami pang maaaring mangyari sa ilang buwan ng kanilang engagement. Lalo na ngayon na nasa abroad si Yvonne. Wala kang mawawalan ng pag- asa hanggang hindi sila naikakasal pa. " pag kunsinti naman ni Yaya sa kaniyang alaga

Hindi naman muna naka sagot si Sam dahil abala siya sa pag- ubos ng lugaw sa mangkok. Uminom na rin siya ng juice tsaka ng gamot.

" Para naman pong sinabi n'yong ipanalangin kong h'wag matuloy ang kasal nila. " saad naman ni Sam, iyong mga prutas naman ang nilalantakan niya

Mahina naman natawa ang kanyang Yaya.

" Pina palakas ko lang ang loob mo. " wika pa nito

" Paano pong lalakas e naka plano na nga po ang kasal nila? Ibig sabihin nga po niyon ay wala na akong pag- asa. " malungkot pang turan ng dalaga

" Hanggang hindi sila nagpapalitan ng 'I do' ay may pag- asa ka pa! " pamimilit pa ni Yaya

Napa haba na lamang ang nguso ni Sam pero hindi na siya kumibo. Iyong mga sliced fruits na lang ang inatupag niyang kainin.

" Magpahinga ka ngayong gabi, dito ako matutulog para ma bantayan kita at baka kung ano- ano lang ang gawin e mabinat ka pa! Kailangan mo nang pumasok sa eskwela bukas, malapit ka naman nang makatapos ng pag- aaral mo! Pababayaan mo pa! " pahayag pa ni Yaya na nag- aalala na may halong sermon

" Opo. " saad na lamang ni Sam

Wala naman kasi siyang magagawa kung iyon ang nais ng kanyang tagapag- alaga. Hindi rin siya mananalo kahit kumontra pa.

Nag linis na ito sa kanyang silid. Kaya hindi na kumibo.

" Paano kaya kung pikutin ko na lang si Vaughn? " wika pa ni Sam

" Ano!? Maryosep kang bata ka! Maghunos dili ka nga, Samantha sa binabalak mong iyan! " natigilan ito sa ginagawa at biglang napa- sign of the cross sa ipinahayag ng alaga. " Para kang mauubusan ng lalaki kung umasta ka! E, ang dami mo namang manliligaw sa eskwela! Sa kanila mo na lang ibaling ang iyong atensyon hindi sa gurang na si Vaughn! " bulalas pang sermon ni Yaya

Hindi na lamang kumibo ang dalaga pero tila may nag lalaro na sa isipan niyang mga plano. Dahil napapa ngisi pa nga siya kahit kuda nang kuda ang kanyang tagapag- alaga habang nag lilinis ng kanyang silid.