Chapter Thirteen

NANAMLAY SI STACEY MATAPOS ILANG LINGGONG UMUUWING LATE GALING TRABAHO SI IZAAC. Halos hindi na sila magpang-abot. Pakiramdam niya tuloy nanlamig na ito sa kanya. Kahit pa man alam niya at sinasabi nito na abala ito at ang kanyang division sa pagrecover ng mga perang ninakaw ng kapatid nito. Hindi niya lubos maunawaan kung paanong kaya siyang tiisin ni Izaac ng mag-iisang buwan na. Mas importante pala rito ang trabaho at mabigyang parangal kaysa ang balansehin ang oras nito.

Wala na siyang maramdaman na kasabikan sa pagitan nilang dalawa. Nagsawa na nga ba ito? Natakot siya at nadudurog ang puso niya kahit iniisip pa lamang niya ang bagay na iyon. She loves Izaac more than anyone else. Ganoon din nga ba ang kasintahan?

“Beshy!” Yoanna called for her when their shift is over. Hinabol siya nito sa labas ng building. Ikinunyapit nito ang braso sa braso niya at sabay silang naglakad. “Sabay na tayong umuwi. Magkaparehong barangay lang din naman tayo,” yakag nito sa kanya.

Natigilan siya at