Chapter 33

Noella’s Point of View

Hindi ko alam pero kinakabahan ako sa pagtanggap ni Diego sa pagyaya ni Mateo na mag-hunt sila ngayong araw at dahil din sa kabang nararamdaman ko ay sumama na rin ako at kasama namin si Tito pati si Maya. Dahil hindi marunong si Maya humawak ng baril at mag-hunt ng hayop gubat. Hindi na tinuruan pa ni Tito dahil mas mahalaga sa magulang ni Maya ang pag-aaral niya lalo pa at talagang matalino ang pinsan ko.

“Mag-aantay na lang ako rito habang nagha-hunt kayo. Sana may mahuli kayong baboy-ramo na miihaw rin natin,” nakangiting sabi ni Maya. “Mag-iingat din kayo,” bilin pa niya sa amin.

Nagtayo kami ng tent malapit sa ilog at may reclining chair din kung saan nakaupo si Maya. Kami namang magha-hunt ay nakasuot na ng hunting gear at may hawak ng baril na pang-hunt.

“Tara na, nang makarami,” aya ni Mateo.

Napatingin ako kay Diego na abalang inaayos ang suot na damit at nilalagay ang mga gamit pang-hunt sa katawan niya. Nilapitan ko si Diego saka inayos ang damit niy