Kabanata 6

Namula ang mukha ni Selene hanggang sa namutla ito pagkatapos.

Palagi siyang tinatrato ni Davron nang napaka kaswal. Marahil ay ang kanyang role lang ay ang mapunan ang mga pagnanasa nito.

Nakita ni Davron ang kanyang mga daliri na namantsahan din ng alak, hinawak nito ang kamay niya, nanatiling tahimik habang ibinababa ang ulo at mukhang nakatuon ang pansin dito, at pinunansan nito isa-isa ang kanyang mga daliri gamit ang panyo.

Talagang hindi makapagpigil si Selene sa kabaitan na ibinibigay nito sa kanya nang biglaan.

Palagi siyang nangungulila sa nakakaawang pagmamahal na nagkalat mula sa kaniyang mga daliri.

Hindi naman nito kailangan ng marami, basta't kaunti lang ay sapat na. Hindi mapigilan ni Selene na alalahanin ang huling klase niya ng physical education sa tag-init sa isang taon na bakasyon

Dumaan siya sa bintana ng internasyonal na klase, at hinahangin ang mga bulaklak at mga puno sa labas ng gusali ng pagtuturo. Nakatuon ang matinding sikat ng araw sa kaniyang mukha.

Ang lalaking pinakamamahal niya, pilyo at parang bata na itinali ang  mga pulso nito at ang mga pulso ni Tiara Averilla gamit ang isang ribbon.

Mahimbing na natutulog ang babae sa ibabaw ng lamesa.

Itinaas ni Davron ang ulo na may isang tamad na tingin, ang  magagandang mata nito ay nagtatago ng isang matingkad na ngiti, at tumingin ito kay Tiara na natutulog nang may pagmamahal.

Maingay ang buong silid-aralan, at sinenyasan niya ang iba na tumahimik at huwag abalahin si Tiara sa paghimbing na pagtulog.

Nakaramdam ng pangangasim at pait si Selene sa tuwing naiisip niya ang tungkol dito. Hindi naman sa hindi alam ni Davron kung paano ang magmahal, ngunit hindi lang siya  mahal nito.

Ngunit halata na siya at si Davron ang unang magkaibigan na alam nila. Personal na pinangako sa kanya ni Davron na hahanapin siya nito at babayaran siya nito pabalik.

Kalaunan ay nawala na ito sa kaniyang isip.

Ngunit hindi, hindi iyon 'yon.

Sadyang maling tao lang ang nakilala nito.

Bumalik si Selene sa kaniyang huwisyo at nanatiling tahimik.

Pagkatapos ng charity dinner, maputla pa rin ang mukha niya at nakakaramdam siya ng labis na pagkagutom. Maaaring ang sanggol sa kaniyang sinapupunan ay malakas kumain.

Gusto na kaagad umuwi ni Selene. Naisip niya na mayroon pa ring cake sa loob ng ref sa bahay, kung saan mailalaman niya sa tyan niya.

Nang makapasok siya sa kotse, naamoy niya ang malamig na amoy ng alcohol sa paligid ni Davron, hindi masyadong malakas o mahina.

Kaunti lang ang nainom ni Davron. Hindi niya kailangan na makipag-socialize sa iba. Kung tutuusin, palaging ang ibang tao ang lumalapit dito para humingi ng tulong.

Binuhat siya ni Davron at pinaupo sa mga hita nito, agad na nag-init ang kanyang mukha.

Hinawakan ni Davron ng madiin ang kanyang bewang, at ang temperatura ng mga daliri nito ay dumidiin sa kaniyang balat na nahaharangan ng manipis na tela.

"Uhmmm."

Pinaghalong mainit at malamig.

Mukhang nadama ni Selene ang pagnanasa ng lalaki.

Walang malay na tinakpan ni Selene ang kanyang tiyan. Wala siyang sinabi, bahagyang iniwas ang mukha nang akma na siya nito hahalikan, at pagkatapos mag-isip, hindi niya maiwasang paalalahanan ang lalaki.

"Mr. Zalderriaga, nasa loob tayo ng kotse."

Inangat ni Davron ang kanyang mga kilay at tila walang pakialam. "Tapos?"

Gusto niyang sabihin na hindi ito kailanman gumawa ng anumang katangahan sa loob ng kotse, ngunit ngayon ay tila labas sa pag-uugali niya. Lingid sa kaalaman niya kung paano niya nagalit nito ngayong gabi.

Ibinaba ni Selene ang kanyang mga mata. "Baka napagod lang ako kanina, hindi talaga ako interesado."

Kinurot ni Davron ang baba niya at pinilit siyang tumingin ng diretso dito. Hindi nito masabi kung saan nanggagaling ang hindi maipaliwanag na galit sa kaniyang puso. "Secretary Averilla, ako ang bumibili, ikaw ang nagbebenta kaya ako dapat ang may huling salita."

May galit na namutla ang mukha ni Selene, at ang kanyang boses ay nanginginig. "Davron, gagawin mo rin ba ito kay Tiara?"

Tatratuhin mo rin ba si Tiara na isang laruan at makikipag-deal sa kanya ng kaswal?

Pagkatapos ng ilang segundo, marahang ngumiti si Davron. Hinawakan nito ang kanyang mukha, maamo ang mga mata nito maging ang tono ng pananalita ay maamo rin.

"Secretary Averilla, ano ang ikinukumpara mo kay Tiara?" marahan nitong tanong.

Hindi mahulaan ang ekspresyon nito gaya ng dati.

"Hindi ba ay napaka-talino mo naman madalas? Gumawa ka ng malaking pagkakamali ngayong gabi." magaang sambit ng lalaki paglalipas ng ilang sandali.

Palagi itong nag-iiwan ng kaunting mukha kapag nagsasalita. Hindi nito magagawang ipahiya ng masyado ang mga tao.

Hindi na kailangan pang sabihin ito ng napakalinaw dahil kaya ring intindihin ni Selene ang ibig nitong sabihin.

Hindi na niya kailangan pang maikumpara kay Tiara.

Dahil -

Hindi naman siya ganoon kahalaga kung tutuusin.