Kabanata 4: Continuation

"Huh? I don't know what you're talking about," maang-maangan ko. "Tinatanong lang kita kung ikaw ba 'yong pinsan ni Renzo. Namumukhaan kasi kita," ngiti ko pa.

He sighed, clearly annoyed.

“Yes, I’m his cousin. Now please, leave me alone.”

"Ayy? Biglang gano'n—"

Hindi pa ako tapos magsalita nang talikuran na naman niya ako. Sh*t naman, oh! Hinabol ko ulit siya at muling pinigilan sa siko.

Kaso, nagulat na lang ako nang bigla niyang padarag na iniwas ang braso niya, dahilan para masagi ako. Sa lakas niya ay natumba ako sa sahig.

"Ouch, ha?!" irita kong singhal habang napangiwi sa sakit ng pagkakabagsak ng puwet ko.

“I told you to leave me alone. Ang kulit mo," walang awa niyang sabi bago tuluyang lumakad palayo.

Ni hindi man lang ako tinulungan tumayo. Grabe sa pagka-cold!

Hilaw akong ngumiti sa mga taong natigil sa pagsayaw at ngayon ay sa akin na ang tingin. Sa halip na bigyang pansin ang bulungan nila tungkol sa akin, minabuti kong subukang tumayo.

The fall was harder than I thought because I ended up sitting down again.

Pasalamat talaga siya't crush ko siya, kasi kung hindi—

"Are you okay, miss?"

Nilingon ko ang lalaking lumapit sa akin. Kinunutan ko siya ng noo sabay irap.

"Bakit laging ganiyan ang tanungan niyo sa ganitong sitwasyon?" pagtataray ko. "Hindi ba obvious? Malamang, hindi ako okay! Mema ka rin, e."

I looked away and tried to stand again.

"Let me help you..." sabi ng lalaki at basta na lang ako hinawakan sa magkabilang braso upang alalayan sa pagtayo.

Hindi na ako nagprotesta. Nang makatayo na ako, agad kong inayos ang medyo tumaas kong strapless tube.

“I don’t talk to strangers, but thanks,” I said without looking at him.

Inayos ko na rin ang hanggang balikat kong buhok dahil medyo nagulo ito, saka ko siya tuluyang binalingan.

“I’m Shiloh’s brother. Sorry about what he did,” tipid niyang ngiti sa akin.

Ako nama'y natigilan at napatitig sa kaniya. Sinuyod ko ang kabuuan niya at kinilatis kung may katotohanan ang pagpapakilala niya.

Hmm... malayo ang pormahan nila.

Itong isa ay halatang galing sa office. He was wearing a crisp white long-sleeve polo tucked neatly into black slacks. Nakasabit sa isa niyang braso ang tingin ko'y coat niya.

Nangunot ang noo ko nang mapansin ko ang sadya niyang pag-ayos ng tayo sa harap ko. Doon ko lang din nasipat nang maayos ang mukha niya.

Oo nga. Mukhang magkapatid nga sila ni Shiloh. Malaki ang pagkakahawig. Pareho silang medyo singkit ang mata, matangos ang ilong, at may mga panga na parang gusto mong i-headlock sa sobrang angas.

Ang pinagkaiba lang, medyo soft ang awra ng isang ’to. Mukha siyang mabait, tipong madaling utuin.

“Older brother?” I asked, raising a brow.

He nodded. “Two years gap,” he clarified.

"Hm..." tumango-tango ako, sabay kinindatan siya sa isip ko.

Paano kung siya na lang ang gawin kong boylet? Hindi na lugi, ah.

Guwapo siya, malaki ang katawan, siguradong mapera, at higit sa lahat, mukha talagang mabait. Hindi na masama.

“I’m Letisha, by the way. Not the best way to meet, but still, nice to meet you,” nakangiti kong pakilala, sabay lahad ng palad ko.

Bumaba ang tingin niya sa kamay ko bago niya tinanggap iyon para makipagkamay.

"Pasensya na ulit sa ginawa ng kapatid ko. Gano’n na talaga ’yon, pero mabait naman siya."

"Hindi rin," iling ko bilang hindi pagsang-ayon sa huli niyang sinabi. "Suplado nga, e. Mabuti na lang, mabait ka. Thanks for the treat, by the way," ngiti ko sabay taas ng baso ng alak na siya na ang nagbayad.

Sigurado na akong big-time siya. I mean, hello? Dinala niya ako rito sa VIP section. Sa tagal ko nang tumatambay dito, ngayon pa lang ako nakatungtong dito. Sobrang mahal kasi. Hindi na abot ng nakukuha kong pera ang bayad sa ganito.

“No, really. He’s nice. He just doesn’t know how to deal with people. Introvert things.”

I gave him a look that said I wasn’t buying it.

"Baka sa mga babae lang. He literally told me he likes someone else. Kita mo naman kung paano niya ako dinedma kanina. Loyal, a****a."

Mahina siyang tumawa. Akala ko ay idedepensa na naman niya ang kapatid niya, pero imbes na magsalita, nagbuhos lang siya ng alak sa baso niya. Nakigaya na rin ako, nilagyan ko ng laman ang akin.

“So you have a crush on him?” tanong niya makalipas ang ilang sandali.

Nakapikit na ako’t nakasandal sa backrest ng sofa nang marinig ko iyon. Dahan-dahan akong dumilat para sagutin siya.

"Oo. hindi pa ba halata?" prangko ko at mahina pang tumawa.

Muli kong ipinikit ang mga mata at sumandal nang maayos sa backrest ng sofa.

Lasing na kami pareho. Tingin ko, isang shot na lang, bagsak na kami.

“Pati pala ikaw?”

“Huh?”

I forced my eyes open despite how heavy my eyelids felt. Kinunutan ko siya ng noo.

“Ano’ng pati ako rin pala?”

I caught the bitter curve of his lips as he looked at me, though my vision was already hazy from all the alcohol.

“Kung ang problema mo ay dahil wala ka sa list of graduates, sa’kin naman... babae.” Tumigil siya saglit bago muling nagsalita.

Kahit lasing na ako, umandar pa rin ang pagiging chismosa ko kaya umusog ako palapit sa kaniya para marinig nang malinaw ang sunod niyang sasabihin.

“I have this girl I really like… but the thing is... she likes Shiloh.”

My mouth fell open slightly in surprise.

Oh... spicy.