Chapter 20

Tatlong araw pa bago nakabyahe si Avi pauwi ng Pilipinas. Ngunit hindi niya inaasahan na pagkababa niya palang sa eroplano ay sasalubungin na siya ng mga reporters.

"Mrs. Oxford, saan ho kayo galing?"

"May hinala ba kayo kung sino ang nasa likod ng plane crash kung saan kasama ang mga magulang n'yo sa nasawi?"

Tuloy-tuloy lang siyang naglalakad habang nakayuko. Ngunit ng muli siyang harangin ng isa pang reporter at tanungin siya'y doon siya napahinto.

"Mrs. Oxford, ano pong masasabi n'yo sa kumakalat na balita ngayon patungkol sa asawa mong si Mr. Xavier Oxford at ang rumored girlfriend nitong si, Ms. Vivian?" Huminto siya at tinaasan ng kilay ang reporter na mukhang tuwang-tuwa pa sa tsismis na 'yon. Isa pa, pinagkamalan siyang si Avery ng mga tsismosang reporters na ngayon ay pinupulutan ang kambal niya.

"Makailang ulit na silang nakita sa isang eksklusibong hotel at club na magkasama... Ano pong masasabi mo sa balita na 'yon? Totoo ba 'yon o gawa-gawa lang?" Muli nitong tanong ng h