Chapter 21

Maagang umuwi si Xavier dahil may usapan silang magkakaibigan na pupunta sa Club-V. Ang Club na pag-aari ng kaibigan niyang si X.

Pagkapasok niya palang ay nadatnan niya ng abala si Nay Telma. Tila nagmamadali rin ito at hindi na siya napansin pa.

"Nay Telma ano ho yan? Saan n'yo dadalhin yan?" sunod-sunod niyang tanong na nagpatigil dito.

Kaagad naman na huminto ang matanda at bumaling sa kaniya. "Kape, Sir. Dadalhin ko sa silid ni Very," sagot nito na nagpakunot ng noo niya.

At sa wakas, dumating na rin ang lagalag niyang asawa. Ilang araw itong hindi umuwi simula ng usisain niya ito tungkol sa kumpanya at pangloloko ng ama nito sa kaniya. Ilang araw din siyang kinakastigo ng Daddy niya dahil sa pagsusumbong ng magaling niyang asawa patungkol sa ugnayan nilang dalawa ni Vivian, ang anak ng Governor na nakilala niya sa business trip dati sa Baguio.

Kinuha niya ang tasa ng kape kay Nay Telma at sinabihan ito. "Ako na ho ang magdadala nito kay Very, pakiayos na lang ho ang gamit ko sa