Chapter 27

Raven's POV

MATAGAL na kumustahan ang mga naganap. Naging masaya ako dahil hindi naman pala sila galit sa akin at alam nila ang totoo. Hindi ko alam kung bakit hindi nakarating sa kanila ang balita na tungkol sa pekeng pagkamatay ko. Siguro, hindi lang talaga umabot sa kanila. Sino ba naman ako para maging dahilan ng chismis?

Hindi pa malaki ang tiyan ni Haze. Sabi niya ay dalawang buwan na daw siyang buntis, pero pansin ko na medyo lumaki siya ng konti. Parang tumataba siya, ganoon talaga siguro kapag buntis. Nalaman ko rin na paglilihi pala iyon mga request ni Haze na kakaiba na malayo sa salitang normal.

"Raven, sabi ni Josh, may nagdemanda daw laban sa iyo?" Tanong ni Haze sa akin na kumakain ng mani na sinasawsaw sa suka.

Hindi ko alam kung masarap ba iyon, pero mukhang sarap na sarap siya. Hindi na lang namin pinupuna ang kakaibang mga gusto niya dahil alam naman namin na buntis siya.

"Oo, dinidiin nila ako sa salang ako nga ang gumawa." Sagot ko naman sa kanya.

"Yun nga. Hindi