Chapter 6

Katulad ng inaasahan ko ay dumating nga dito sa opisina ko si Brandon na kasama pa si Jared. Napabuntong-hininga na lamang ako ng makita ko silang pumapasok ng nakangisi sa akin.

"Mukhang kalokohan na naman ang sadya ninyo sa akin." ani ko sa mga ito na natawa dahil sa aking sinabi.

"Nabalitaan ko sa ibaba na may dumating na babae dito sa opisina mo? Kaylan ka pa nagpapasok ng babae dito?" mapang-inis na ani ni Jared sa akin. Tama sila, hindi talaga ako nagpapasok ng mga babae dito sa aking opisina unless na lang tungkol ito sa negosyo.

"It was Alexa Sanchez." ani ko dito na ikinagulat nila at napatitig pa sa akin na tila ba nagtataka.

"Alexa, as in the Alexa fuck girl?" natatawang turan ni Jared.

Tango lamang ang tanging naisagot ko sa kanila habang nakatitig naman ako sa aking laptop at patuloy lamang ako sa aking pagtatrabaho.

"What the hell was she doing in your office?" nakataas na dalawang kilay na ani sa akin ni Brandon.

"Well, paano daw kung mabuntis siya." natatawa kong wika sa kanila na ikinatawa naman nila ng malakas.

"Pag nangyari 'yon, ang dami niyang huhulaan na maaaring maging tatay ng kaniyang anak!" tumatawang wika naman ni Brandon. 

"So, ano talaga ang sadya ninyo dito?" ani ko sa kanila.

"Bro, kailangan mo na talagang magkaroon ng anak, kailangan mong magkaroon ng tagapag-mana. Kung ayaw mo ng isang relasyon ay may kilala akong makakatulong sa atin para sa paupahang sinapupunan, huwag kang mag-alala dahil malinis ito at dadaan ang babaeng 'yon sa napakaraming medical check up bago siya makapasa sa standard mo." wika ni Brandon na ikinatahimik ko.

"Pag-iisipan ko." ani ko sa kanila na ikinatuwa naman nila. Sa isang banda ay tama din naman sila na kailangan kong magkaroon ng isang tagapag-mana kung ayaw kong mapunta lang sa iba ang pinaghirapan ng aking ama.

"I will let you know kapag nakapag-isip na ako." ani ko pa sa kaniya.

"Tama 'yan bro, natutuwa ako at kahit paano ay bibigyan mo na ng pansin ang mga sinasabi namin sayo." ani ni Brandon habang ako naman ay tahimik lamang.

Sa totoo lang ay napag-iisipan ko na rin naman talaga na magkaroon ng anak para magkaroon ako ng tagapagmana, pero wala sa bokabularyo ko na may aanakan akong babae.

"Bakit kailangan mo pa ng surrogate kung pwede ka namang maghanap ng babaeng pwede mong mahalin at bigyan ng anak para makabuo ka ng pamilya mo?" biglang pakli ni Calix na ikinalingon naming magkakaibigan.

Nagkatinginan kaming magkakaibigan at pagkatapos ay biglang kumunot ang aking noo dahil sa kaniyang sinabi.

"Sorry sir, huwag n'yo na lang po akong pansinin, pasensya na po sa nasabi ko!" ani nito at natawa ako ng pagak.

"Walang puwang ang mga babae sa buhay ko at tanging si Nanay Lita at aking namayapang lola lamang ang pinagkakatiwalaan ko." naiiling kong ani dito. Nakita ko ang pagkagulat sa kaniyang mga mata ngunit tahimik lamang ito at hindi na sumagot pa.

"Pagpasensyahan mo na 'yang amo mo Calix dahil talagang walang tiwala sa mga babae 'yan pagkatapos n'yang malaman ang ginawa ng kaniyang ina." seryosong turan naman ni Brandon kaya napatingin ako dito ng masama.

"Ayokong maririnig 'yan dito sa loob ng opisina ko Brandon!" galit kong ani dito kaya naman napataas ito ng kaniyang dalawang kamay na tila ba hudyat ng kaniyang pag-suko.

Nakaalis na din ang aking dalawang sira-ulong mga kaibigan at ako naman ay nililigpit ko na ang aking table upang makauwi na rin ako.

"Sir, ako na po ang magdadala ng bag ninyo at mauuna na po ako sa sasakyan nyo." ani ni Calix kaya naman inabot ko sa kaniya ang bag na naglalaman ng aking laptop at ibang dokumento na pag-aaralan ko pag-uwi sa aking mansion at pagkatapos ay lumabas na rin ako ng aking opisina.

Bria's POV

Sabi ni kuya dadaanan daw niya ako pauwi ngunit hanggang ngayon ay wala pa ito.

"Sana ay kasama n'ya uli si yummylicious." bulong ko sa aking sarili.

"Hoy bruha! Kinikilig ka ba? Sino ba ang pinagpapantasyahan mo d'yan ha?" panggugulat sa akin ng aking kaibigan na si Monette.

"Ano ka ba! Bakit ka ba nanggugulat ha?" ani ko dito habang walang patid ang tawa nito ng malakas.

"Kasi naman friendship, para kang nakikipagromansa diyan sa iniisip mo! Sino ba kasi 'yang pinagpapantasyahan mo ha?" mapanuksong ani nito sa akin kaya naman nginusuan ko lamang ito at pagkatapos ay naghalukipkip ako sabay irap sa kaniya.

"Hindi ko nga sasabihin sa iyo, baka mamaya agawan mo pa ako. Kilala kaya kita!" nakairap kong ani sa kaniya kaya naman isang batok ang ibinigay niya sa akin.

"Baliw! Kahit kailan ay hindi ako mang-aagaw!" wika nito sa akin kaya naman tinawanan ko ito.

"Ano ba kasi ang ginagawa mo dito ha?" ani ko dito, nag-aaral kasi ito sa isang mamahaling unibersidad dahil anak lang naman siya ng mag-asawang bilyonaryo.

"Nakita kasi kita na nakatayo dito, kaya pinahinto ko ang driver ko para naman isabay na kita." ani naman nito sa akin na tinanggihan ko naman dahil gusto kong makita ang gwapong amo ng aking kapatid. Habang nagkakatuwaan kami ay siya namang dating ni Kuya Calix at ganoon na lamang ang pagkadismayang naramdaman ko ng makita kong hindi niya kasama ang yummylicious niyang amo.

"Hi, Calix!" malanding ani ng aking kaibigan kaya naman tinaasan ko ito ng aking kilay at isang hampas naman ang ginawa niya sa braso ko.

"Friendship minsan naiisip ko na kaya mo lang ako kinaibigan ay dahil kay kuya!" nakanguso kong ani dito.

"Isa na 'yon noh! Pero nakipagkaibigan talaga ako sayo dahil pareho tayo ng ugali saka pareho tayong maganda noh!" maarteng ani nito sa akin kaya naman sabay pa kaming nagtawanan at pagkatapos ay nag high-five pa kami.

"Umuwi ka na Monette, kung saan-saan ka pa nakakarating!" ani ni kuya sa aking kaibigan na tila ba naiinis dito.

"Ayy concern si baby sa akin!" malanding ani ng aking kaibigan kaya naman napapailing na ako dito.

Matagal ko na namang alam na may gusto si Monette kay kuya at batid kong hindi na ito lingid pa kay Kuya Calix.

"Concern lang ako dahil baka madamay pa kapatid ko kapag minalas ka sa daan!" mapang-asar na ani naman ni Kuya Calix kaya para matigil na ang dalawa ay tinulak ko na si Monette sa loob ng kaniyang sasakyan at ako naman ay sumakay na sa loob ng sasakyan na dala ni kuya.

"Kuya nasaan 'yong amo mo?" ani ko dito.

"Hoy Bria huwag ang lalakeng 'yon!" galit na ani ni Kuya Calix sa akin kaya naman nginusuan ko ito.

"Nagtatanong lang ako kuya, kanina kasi kasama mo." katwiran ko naman dito at tinignan naman niya ako ng matalim.

"Maraming lalake Bria, huwag ang taong bato na 'yon! Walang balak magseryoso kaya ayon at maghahanap ng surrogate para magkaanak lang at magkaroon ng tagapag-mana. Ang mga mayayaman nga naman!" naiiling na ani ng aking kapatid habang ako naman ay nagulat sa kaniyang sinambit. Naghahanap siya ng surrogate? Nakaramdam ako ng selos, aaminin ko kasing tinamaan ako ni kupido unang araw pa lamang na nakita ko ang amo ni kuya. Sa totoo lang ay hindi ko pa nga alam ang buo niyang pangalan. Nakakainis, bakit naman kasi kailangan pa niya ng surrogate samantalang pwede naman niya akong mahalin. Sa isiping 'yon ay bigla na lamang akong napabungisngis kaya naman biglang preno si kuya at matalim akong tinitigan.

"What?" Tpainosente kong tanong dito.

"Umayos ka Brianna!" asik nito sa akin kaya naman sinibangutan ko ito at humarap ako sa bintana upang maiwasan ang mga titig sa akin ni kuya. Pagkahatid niya sa akin ay hindi agad ito umalis.

"Bria, seryoso sinasabi ko sa iyo, huwag ang amo ko dahil masasaktan ka lang. Walang modo 'yon pagdating sa babae, sa kaniya mismo nanggaling kanina na wala siyang tiwala sa mga babae at wala din siyang balak na makipag relasyon sa kahit na sino. Tanging si Manang Lita lamang at ang namatay niyang lola ang pinagkakatiwalaan niyang babae. Siya mismo ang nagsabi na walang puwang ang mga babae sa buhay niya, sinasabi ko na sa iyo ngayon pa lang Bria na huwag ang taong 'yon at baka makapatay ako sa oras na gaguhin ka niyan." mahabang litanya sa akin ng aking kapatid.

"Kuya, wala kang dapat alalahanin dahil hindi ko naman gusto 'yung amo mo noh!" pagsisinungaling ko dito at hindi ko alam kung naniniwala ba ito sa akin o hindi.

"Aalis na ako, uuwi si nanay mamaya kaya may makakasama ka dito." wika niya bago pa ito tuluyang makaalis. Napasandal ako sa sofa at pinagpantasyahan ang magandang katawan ng amo ni kuya. Napapangiti ako habang inaalala ko kung gaano ka gwapo ang lalaking 'yon pero bigla din akong nalungkot ng maalala ko ang sinabi sa akin ni Kuya Calix na kukuha ito ng surrogate para lamang magkaroon ng tagapag-mana. Ibig bang sabihin nuon ay magse sex sila?

"Ayy ayoko!" bulalas ko sa aking sarili sabay pagdadabog ko habang pumapasok ako sa aking silid.