21: BETRAYED

You can't deny the fact that everybody has a chance to make you stupid.

Author's Pov:

Matapos ang mainit na pag-uusap nina Shan at Yhurlo ay napag-isipan ng dalaga na lumayo-layo muna sa mga bagay na nagpapagulo ng kanyang isipan. Hindi alam ni Shan kung saan siya dinadala ng kanyang sarili pero napansin na lang niya na nakaparada na ang kanyang sasakyan sa tapat ng karagatan.

Agad siyang bumaba tsaka tumayo sa tabi ng hood upang pagmasdan ang kagandahan ng karagatan.

Tahimik, payapa at maaliwalas na paligid ang unang bumungad sa kanyang mga mata. Dahan-dahang naglakad si Shan patungo sa dalampasigan.

Nagtama ang maputi at pinong mga buhangin sa kanyang suot na itim na ankle boots dahilan para minsanang maiwan ang ibang bakas ng puting buhangin sa suot niyang sapatos. Dumiretso si Shan sa paglalakad hanggang sa makarating siya sa tabing dagat kung saan mas lalong dumidipena sa kanyang mga mata ang malumanay at marahan na mga along hum