31.1: BEWARE

"Ako ang magpapatunay sa'yo na lahat ng babae ay kayang protektahan ang sarili nang hindi nangangailangan ng tulong sa mga istupidong katulad niyo." Buwelta ni Shan at mataas na tumalon upang bigyan ng isa pang malakas na sipa ang binata sa baba nitong nakayuko dahilan para kusang mapaangat ang ulo nito sa ere kasabay ng pagtalsik ng laway na may kasama ng dugo.

Maayos na inilapag ni Shan ang kanyang dalawang binti sa lupa habang habol-hininga at nanliliksik ang mga matang nakatanaw sa binatang nakasapo ang dalawang kamay sa ulo at nakahiga sa sahig, halatang pilit iniinda ang sakit.

Sarkastikong napabuga siya ng malalim na hininga tsaka nilagay ang ilang hibla ng buhok sa likod ng tainga gamit ang dulo ng patalim na hanggang ngayon ay hawak-hawak pa rin niya.

Tila nangilabot ang dalawang binatang kaharap niya ngayon matapos makita ang ginawa niya tsaka sunod-sunod at malalim na napapalunok. Parang gusto na lamang nilang atrasan ang kalaban, pero alam ni