55: GAME 1, FINISHED

Don't play a game just to have fun. Stop going with the flow and start determining what's the real purpose of the game. Game is a game and you can't deny the fact that you may lose or win.

Author's Pov:

"Bilisan mo, Shan maabutan ka na ng oras!" Malakas na sigaw ni Jake sa kabilang bahagi ng pasilyo kung saan naroroon na natatapos ang larong sinalihan nila.

Napakurap-kurap si Shan tsaka tinignan si Jake na patuloy sa pagsigaw na bilisan niya dahil siya na lang ang natitira at malapit na siyang maabutan ng oras.

Gayun din ang buong Rickage group na tila hindi magkamayaw sa pagsigaw habang inaabot ang mga braso sa kanya na para bang gusto siyang hilahin kung sapat lamang ang distansyang mayroon sila.

Malalim na sunod-sunod na napalunok si Shan tsaka napatingin sa tinatapakan niyang kahon na tile na sasakto na lamang sa dalawa niyang paa at konting-konti na lang ay maaapakan na niya ang bilugang tiles na maya-maya ay nagpoporma ng puso o parihaba na para bang isang 3D ang tiles na mg