KABANATA 7

“ Ako rin Janet, namimiss ko na siya, namimiss na siya ng lahat, lalo na si Kuya Rafael, Alam kong miss na miss na siya nito, kahit minuto hindi niya nalimutan si Ate Angela, kumusta na kaya siya ngayon?.” tanong naman ni Perla.

“ Sabi ng Ate Angela nyo hindi raw siya magbo-boyfriend pero biglang dumating sa buhay niya si Rafael, kami na nga ni Tatay Rudy nyo ang nagsabi sa kanya na subukan naman niyang magkaroon ng boyfriend kaya yun sinagot niya si kuya Rafael nyo, hanggang naging magkasintahan na sila.” sabi ni Aling Lilet.

“ Sayang nga Nay! Naunahan ako ni Ate Angela kay kuya Rafael, akala ko kasi sa akin siya may gusto noong mga panahong dumadalaw siya sa bahay natin, akala ko kasi kaibigan lang siya ni Ate.” biro naman ni Janet.

“ Ano ka ba naman Janet? bata ka pa, tumigil ka nga sa kabaliwan mo, baka mamaya multuhin ka diyan ni Ate Angela.” Pananakot ni Perla kay Janet.

“ Ano ka ba Ate Perla, nagbibiro lang naman ako… saka love ako ni Ate Angela kaya hindi niya ko mumultuhin.”