EXOTIC GIRL 77

Andito ako ngayon sa loob ng ambulansiya. Katabi ko ang dalawang paramedics na siyang nagbigay ng paunang lunas kay Papa. Minomonitor nila ang kanyang kalagayan. May mga nakakabit silang bagay na inilagay kay Papa para lang manatiling buhay siya. Kailangan niyang masalinan kaagad ng dugo dahil maraming dugo ang nawala sa kanya. Hindi pareho ang type ng dugo namin kaya hindi ko siya pwedeng salinan kahit na gustuhin ko man.

Mga kalahating oras pa ang aming lalakbayin para makarating sa pinakamalapit na ospital dahil kapag dinala pa siya sa Manila ay hindi na siya aabot. Nakatingin lamang ako sa walang malay na katawan ni Papa habang nakahiga siya. Medyo nahimasmasan na rin ako sa galit ko sa kanya. Naisip ko na kahit patayin ko pa siya ay hindi na rin naman magbabago pa ang lahat. Marami siyang nagawang kasalanan pero ama ko pa rin siya.

Ngayon ang tanging nais ko na lamang ay ang katotohanan tungkol sa pagkamatay ni Mama para matahimik na din ako. Limang taong gulang pa lamang ako ng