CHAPTER 15

CHAPTER 15

CASSIE'S POV

NAGISING ako sa pakiramdam na may malamig na bagay ang tumatama sa mukha ko. Dahan-dahan akong nagmulat ng aking mga mata at sumalubong sa aking paningin ang guwapong mukha ni Tristan. May hawak itong bimpo na marahil ay 'yon ang malamig na tumatama sa mukha ko.

Hindi nakaligtas sa akin ang pag-aliwalas ng mukha nito nang makitang gising na ako. Iginala ko ang mga mata ko sa kabuuan ng kuwarto, maganda 'yon at maaliwalas ang kulay. Halatang panglalaki ang ayos niyon pero maganda ang bawat disenyo.

Natigil lamang sa paggagala ang mga mata ko nang magsalita ito sa napakalambing na boses.

"Kumusta na ang pakiramdam mo?" Inalis pa nito ang ilang hibla ng buhok ko na tumabing sa mukha ko. Inipit nito 'yon sa likod ng tainga ko. "May masakit pa ba sa 'yo? Anong gusto mo?"

Wala akong balak itago sa kan'ya ang tunay na estado ko. "Masakit ang katawan ko." Doon ko lang nalaman na namamalat pala ang boses ko. "'Yong likod ko masakit.."

Paanong hindi sasakit ang kata