Freedom

Tahimik ang buong paligid habang naghihintay si Dominic sa mga gamit na ipapadala sa kanya—ilang damit, ilang personal na kagamitan, at ilang dokumentong kailangan niya sa ospital kung saan nakaratay pa rin si Avigail. Kasalukuyang nakaupo si Mrs. Luisa sa tapat niya, may hawak na tasa ng tsaang malamig na, hindi man lang niya namalayang hindi niya naiinom.

"Dominic," mahinahon ngunit may kabigatang wika ni Luisa, "nakiusap ang ama ni Lera sa iyong ama. Hindi ba natin sila pagbibigyan?"

Itinaas ni Dominic ang tingin mula sa hawak niyang cellphone, dahan-dahang ibinaba iyon sa mesa. Nakatingin siya sa kanyang ina, ngunit hindi galit ang nasa mga mata niya kundi sugat—isang galit na hango sa kabiguan, isang sugat na hindi basta napagagaling ng paliwanag.

"Mommy, ikaw ang tatanungin ko," panimula niya, paos at mababa ang boses. "Ayos lang ba sayo na pinahamak ni Lera ang buhay mo... para lang makuha ka sa panig niya? Hindi mo ba naiisip na nilinlang ka niya?"

Bahagyang napayuko si Luisa,