Chapter 6 - Distress

Tiningnan ni Shayne si Michael, gulat na gulat. Para siyang tinamaan ng kidlat. Ang seryoso nitong ekspresyon, ang matatag na tingin, at ang kayumangging balat na halatang sunog sa araw, lahat 'yon ay nagpapalakas pa lalo sa dating niyang sundalo.

“Kuya Michael, tumayo ka na,” mahina niyang sabi. Mabilis niyang inalis ang tingin mula sa diamond ring at sinubukang alalayan ito patayo.

Pero hindi gumalaw si Michael. Nanatiling nakaluhod at matatag ang tingin sa kanya.

“Shayne, don’t you feel what I feel? Trust me. I’ll take care of you. Always.”

Napakagat-labi si Shayne.

"Kuya Michael... I’m sorry. Hindi ko kayang ibigay ang sagot na gusto mo."

Hindi lang dahil may kasunduan na siya, kundi kahit wala pa, hindi talaga niya kayang tanggapin ang alok nito.

“Pipiliin mo ba 'yung taong isang beses mo lang nakilala kaysa sa akin?” tanong ni Michael, mababa ang boses at puno ng sakit. Unti-unting nawala ang liwanag sa mga mata niya.

Biglang may sumigaw mula sa crowd.

"Pakasalan mo na siya!"

Sinundan pa ito ng iba pang mga boses at palakpakan.

"Ang gwapo niya, tapos special forces pa! Jackpot ka na sana!" tawa ng isa habang kinukunan sila ng video.

Sa di kalayuan, dumating sina Andeline at Erick at napahinto nang makita ang dami ng tao.

Habang lumalaki ang crowd, isang itim na Rolls-Royce ang dumaan. Napatingin ang driver sa eksena.

“Sir Eldreed, I think that’s Miss Morsel. Someone’s proposing to her.”

Kumunot ang noo ni Eldreed.

“Stop the car.”

Binuksan niya ang bintana at natanaw si Shayne. Nakita niya kung paano ito nagkakandarapa, nagkikiskis ng mga palad, at halatang nai-stress. Tinamaan ito ng sinag ng araw, kaya lalo itong tumingkad sa kanyang paningin.

"Nagpapanggap na naman." bulong ni Eldreed, malamig ang tono.

Sa gitna ng lahat, huminga nang malalim si Shayne at bumulong,

“Kuya Michael, please... pasensya na. Pero desidido na ako. I’m marrying Mr. Sandronal.”

Kung wala lang sanang tao, baka nasapak na niya si Michael sa inis.

“Hindi ka magiging masaya sa kanya,” sagot ni Michael, halos hindi makatingin.

“Masyadong komplikado ang pamilya niya. Hindi iyon para sa’yo.”

May biglang sumigaw,

“Sandronal daw? Siya ba ‘yung fiancé ni Eldreed?”

Nag-umpisa ang bulungan at usapan. Lalong dumami ang tao. Hindi na halos makagalaw sina Shayne at Michael.

"Kuya Michael! Tama na! Sinisira mo buhay ko!" Halos pasigaw si Shayne. Hinila niya si Michael patayo.

"Kalma lang... let’s just stay friends. Please."

Pagkasabi nito, mabilis siyang lumusot sa crowd.

Pero bago pa siya makalayo, may sumugod na mga reporter.

“Excuse us! From Capital TV Station po kami!” sigaw ng isang babae na may hawak na mikropono.

Itinutok nito kay Shayne ang mic.

“Miss, are you really engaged to Mr. Eldreed Sandronal? Is it true na arranged marriage ito between the Morsel and Sandronal families?”

Napatulala si Shayne.

“Ah... eh...” Nauutal siya habang paikot-ikot ang tingin, umaasang makita sina Erick o Andeline.

“Miss Morsel, please answer the question,” dagdag ng reporter habang papalapit ang cameraman at itinutok ang lente sa kanya.

Nag-init ang pakiramdam ni Shayne. Napapaso siya sa hiya at kaba.

“Makikiraan po,” sabat ni Michael, sabay hawak sa bewang ni Shayne.

“Personal matter po ito. Pakiusap, huwag niyo na pong pakialaman.”

Lalong nadismaya si Shayne.

"Michael, ano ba? Tumigil ka na."

Alam niyang lalong lalala ang sitwasyon sa bawat galaw nito.

“Sir, sino po ba kayo sa buhay ni Miss Morsel? May relasyon po ba kayo? Kayo po ba ang tunay na karelasyon?”

Hindi na nakapagpigil si Michael.

“Wala kaming tinatago! At ‘wag kang gumawa ng istorya! I can sue you for libel!”

“Sir, bakit kayo nagagalit kung wala naman kayong tinatago?” tanong ulit ng reporter, sabik sa kontrobersya.

Shayne felt like she was going to explode. Ayaw na niyang may masabi pa si Michael. Kaya sa sobrang inis, tinapakan niya nang malakas ang paa nito.

Yumuko siya at sumiksik palabas sa crowd. Sa di kalayuan, nakita niya ang isang Rolls-Royce, kilalang sasakyan ni Eldreed. Kilala niya ang plaka. Sinuri na niya ito bago pa ang blind date.

Nagmadali siyang tumakbo papunta roon. Kumatok siya sa bintana.

“Eldreed, please... let me in!”