Kabanata 27 Samuel

Lahat ng pag-asa at pangarap sa mga mata ni Lillia sa isang iglap ay nawala ito na parang mga bula. Hindi niya lubos maisip na ang lalaking pinakamamahal niya ay duguan na nakahandusay sa kama. Lungkot at puot ang namumuo sa kanyang damdamin, hindi man lang niya namalayan kung anong nangyari sa gabing katabi ito. "SAMUEL!"

        Gulat na gulat ang karamihan nang makita na wala ng buhay ang lalaki, napakarami ng dugo dahilan upang magkalat ito sa maputing tela ng kama. Hindi lang ang katawan ng lalaki ang nagpagulat sa lahat pati rin ang babae na panay ang sigaw at iyak, madaming tanong namumuo sa kanilang isipan kabilang na ang tanong kung bakit nagawa ito ng kabiyak.

       Ang pamilya Silverio hindi din makapaniwala sa pangyayari labis ang kanilang hinagpis at simpatiya para sa naiwan na kabiyak ng lalaki. Iba naman ang namuo sa mga damdamin ng pamilya ng lalaki, labis ang kanilang galit at sinisisi ang la