Chapter 7

HINDI NA nagtagal si Ethan sa bahay nila Princess. Dahil wala naman ang parents ni Princess ay nagpaalam na ito sa kanya. Babalik pa raw ito ng opisina dahil tumawag si Arvin. May urgent itong dapat asikasuhin.

Ihahatid pa sana niya ito sa labas ngunit nagbago ang isip niya. Hindi niya kasi alam kung paano ang tamang sasabihin. Hanggang sa oras na iyon ay hindi pa rin tuluyang kumakalma ang kanyang puso.

Kumaway pa ito sa kanya bago tuluyang lumabas ng gate. Isang tipid na ngiti naman ang tinugon niya. Nang mawala na ito sa paningin niya ay dumiretso na siya papasok ng kanyang silid. Hindi pa rin siya makapaniwala na isang iglap lang ay biglang magbabago ang kanyang buhay. Yes, she will be a Rodriguez soon. Hindi magtatagal ay ikakasal na siya, titira sa isang bahay na kasama si Ethan.

Wala sa sarili na hinaplos niya ang kanyang labi. Ramdam pa niya ang labi ng lalaki sa kanya. Parang naipinta na roon. It’s her first kiss! Masyadong alig