Chapter 23

KELLY

SA inis ko kagabi kay Brandon, hindi ko na inulit sa kaniya ang birthday celebration ni Tatay this weekend. Pagkatapos kong malaman na more than fifteen ang dumaan sa buhay niya, para akong hindi makahinga. Tumahimik na lang ako at iniligpit ang pinagkainan namin habang siya, panay ang kulit. Hinintay ko lang talaga na manawa siya sa pangungulit at magpasyang umuwi para makatulog na rin ako. Gusto kong ipahinga ang isip ko na malayo sa kaniya.

Inihatid ko siya hanggang sa pintuan at nang akmang hahalik siya sa labi ko ay umiwas ako. Narinig ko pa ang pagbuntonghininga niya pero wala siyang sinabi. He kissed my cheek instead and told me to make sure the door is locked paglabas niya.

Nagtimpla ako ng kape at tahimik na naupo sa silya sa dining area. Magta-taxi ako mamaya para kunin ang kotse ko sa opisina. Dadaanan ko lang ang ilang dokumento roon at dederetso na ako sa Laguna. Wala naman akong meeting at okay na rin ang schedule na pang-two weeks.

I checked my phone and there w