Fated And Marked

THIS WAY TO GRAY SPARROW PACK... 

Sandaling tumigil ang kotseng sinasakyan ni Asule na minamaneho ng beta nitong si Tigen nang makarating sila sa pasangang daan na naghihiwalay sa Gray Sparrow Pack at Red Hawk Pack. Pasimple niyang inilibot ang paningin sa paligid bago nilingon ang katabing si Tigen at tumango. 

"Let's go..."

Kaagad namang nakaunawa si Tigen at muling pinasibad ang kotse. Madilim na ang paligid at madalang na ang dumadaang sasakyan sa bahaging iyon. Mag-a-alas-nuebe na rin ng gabi at halos kalahating oras na lang ay magsasara na ang malaking gate na tanging daan papasok sa Gray Sparrow Pack. Mula alas-nuebe y media ng gabi hanggang alas-singko ng umaga ay may curfew sa lugar. Wala nang p'wedeng lumabas at pumasok sa Gray Sparrow Pack na pinamumunuan ni Criston Aldeguer kaya hindi kataka-takang wala nang gaanong makikitang sasakyan na bumibiyahe maliban sa kulay itim na kotse nina Asule at ang iilang kotseng kasunod nila. 

"Naitawag na ni Clay sa Costa Calista Manor ang pagdating natin kaya siguradong naihanda na ni Joji ang left-wing manor na tutuluyan natin." ani ni Tigen kay Asule habang ang mga mata ay nakatutok sa madilim na kalsadang natatanglawan lang ng ilaw mula kotse nila. 

Tumango si Asule bilang tugon at hindi na nag-abala pang magsalita. Itinuon niya ang pansin sa nadadaanan nilang malalaking punong-kahoy na nakahanay ng maayos sa magkabilang gilid ng bako-bakong kalsada na tumutumbok sa Gray Sparrow Pack. 

Mula sa tahimik na pag-upo habang prenteng nakasandal ang likod ng passenger's seat ay gumuhit ang kakaibang ngiti mula sa gilid ng mga labi ni Asule. Ang kamay niyang nakapatong sa bintana ay pumitik-pitik ang isang daliri sa salamin. 

"Alpha, ihahatid lang kita sa manor at pagkatapos ay mag-iikot muna ako." turan ni Tigen sa makahulugang tinig. 

Umiling si Asule bago umunat ng upo. "No. I'll go. Just drop me somewhere else and you go straight to the manor. Hintayin ninyo ako roon." he commanded as he continued tapping the glass window of the car.

Natigilan si Tigen at napalingon sa katabing si Asule, ang leader ng Black Eagle Pack. "But—"

Asule cut his beta off as he seriously looked at Tigen who's giving him a confused look. 

"Just do what I say, Tigen."

Sandaling napatitig si Tigen kay Asule bago tumango na sinundan pa nito ng kibit-balikat. "Alright!" he forcefully agreed. 

Eksaktong limang minuto bago tuluyang magsara ang malaking gate na papasok sa Gray Sparrow Pack ay nakapasok na ang sinasakyang kotse nina Asule. 

"I'll be okay here." 

Napalingon si Tigen kay Asule at nagtatakang tiningnan ang alpha. 

"Itigil mo ang kotse. Dito na ako bababa." turan ni Asule. 

Malayo na sila sa main gate na pinasukan nila. Kung hindi nagkakamali si Asule ay naroon sila sentro ng Gray Sparrow Pack.

Itinabi ni Tigen ang minamanehong sasakyan sa gilid ng kalsada at pinatay ang makina. Tumingin siya kay Asule na bahagya namang dumukwang sa dashboard para abutin ang pakete ng sigarilyo at lighter. Bago tuluyang bumaba ng kotse ay nagbilin muna si Asule sa beta.

"Tell Joji to prepare my bath before I get back and also a bottle of my favorite brandy. No need to wait for me for food. I'm not hungry." Aniya kay Tigen bago tuluyang binuksan ang pinto ng kotse at bumaba.

Nang tuluyang mawala sa paningin ni Asule ang kotseng minamaneho ni Tigen ay saka pa lamang siya nagpasyang umalis. Nagsindi siya ng sigarilyo bago nagsimulang maglakad habang ang isang kamay ay nakasuot sa bulsang nasa harap ng suot niyang kulay pulang hoody jacket. Nakatago sa suot niyang kulay itim na bonnet ang mahabang buhok na natatakpan naman ng hood ng suot niyang jacket. 

Tumawid si Asule sa sementadong overpass habang ang mga mata ay pasimpleng umiikot sa paligid. Ibinuga niya ang usok na nasa loob ng bibig eksaktong makababa ng hagdanan. Marami pang naglalakad at may mga nakabukas pang establishments sa paligid. Maingay din ang mga tinderong panay ang sigaw para mag-alok ng paninda sa mga dumadaan. Halo-halo ang amoy ngunit mas nangingibaw ang amoy ng usok na nagmumula sa ihawan na nasa unahan ng ilang tindahan ng mga damit. 

Hindi pa gaanong nakakalayo si Asule ay naramdaman niya ang malamig na patak ng tubig na bumagsak sa kamay niyang nakalitaw sa mahabang manggas ng suot na jacket. Napatingala siya sa madilim na kalangitan at napailing. Seems like tonight is not his night. Walang kahit isang bituin sa langit at tanging ang makapal at maitim na ulap lang ang nakikita niya. 

Nagsimula namang magtakbuhan ang lahat lalo na nang magsimulang lumakas at dumami ang mga patak ng ulan. Nagsara ang maliliit na tindahang kani-kanina lang ay buhay na buhay pa hanggang sa wala nang ibang nakikitang kahit isang nilalang si Asule sa paligid. 

Inalis ni Asule ang sigarilyong nakasubo sa kanyang bibig at tila walang anumang itinapon iyon sa gitna ng kalsadang basang-basa na ng tubig-ulan. Nagpasya siyang sumilong muna sa hindi kalakihang kubo na kanyang nadaanan. Habang hinihintay na tumila ang ulan ay muling iginala ni Asule ang paningin sa madilim na paligid. 

Nagkakalat ang ilang malalaking establishments sa paligid at hindi maitatangging nakaka-angat nga ang Gray Sparrow kaysa sa ilang pack na nakapalibot sa teritoryo ng Paso De Tijuca. 

Napatigil sa pagmamasid sa paligid si Asule nang maramdaman niyang may papalapit sa kinaroroonan niyang kubo. His senses were automatically alerted. He was about to launch an attack but stopped as he smells something.

Asule sniffed the air twice. His brows furrowed as he smells the aromatic scents of a romantic fragrance of jasmine and refreshing citrus. It lingers into his nose down to his nostrils. 

Kumuyom ang kamao ni Asule nang maramdamang mas malapit ito. Dinig na dinig niya ang mga yabag ng paa nitong umaapak sa tubig-ulang nagsisimula nang maipon sa malawak na kalsada. 

Muling suminghot sa hangin si Asule at sa pagkakataong ito ay sigurado na siya. A she-wolf! 

Nang tumapat sa kubong sinisilungan ang babae ay mabilis niya itong hinila at isinandal sa malamig at sementadong na pader. His eyes turned golden yellow as he looks into the woman who's looking at him with eyes widened in fear. 

"Who are you?" bahagyang may nginig sa boses na untag ng babaeng pilit na pumipiglas mula sa mahigpit na pagkakahawak ni Asule sa dalawa nitong braso na nakataas at nakadikit sa pader. 

"Storm..." he dangerously mumbled and in one swift move, he immediately grabbed her wrist with his right hand as his left arm wrapped around her slender waist. "And, you are mine!" he added with a possessive and steady voice. 

And, just when she was about to open her mouth to talk, Asule bent down and hurriedly claimed her lips. 

"Mate..."