Kabanata Labing-Walo

“Ngayon maaari ko na bang malaman kung bakit magkasama kayong dalawa, Pael?" seryosong usisa ni Lourdes sa anak.

Tahimik lang si Rafael. Maging si Rada ay hindi makaimik. Sinulyapan ng dalaga ang binata ngunit hinayon sya nito nang makahulugan. Bigla tuloy syang nailang.

Hindi rin niya malaman kung paano tutugon sa nanay ni Pael. Paano niya sasabihin kay Aling Lourdes na sinadya nya talaga ang binata sa taniman?

Na kaya hindi nito natapos ang pagtatrabaho sa bukid dahil sumulpot sya na parang bubuyog na nakalanghap ng nektar sa gitna ng palayan. At dahil masyado syang adbenturera ay naipahamak niya ang sarili. Naging kargo na nga sya ng lalaki ay mukhang masisisi pa ata ito ng ina.

Ibinalik nya ang mga mata sa ginang pagka't di niya matagalan ang mga titig ni Rafael. Tumikhim muna sya ng marahan at bumwelo.

"Sinadya ko po si Pael sa sakahan Aling Lourdes." simula nya.

Kumunot ang noo ng babae na napatingin sa kanya tila nalito ito sa kanyang naging tugon.

"Kinu-kumbinse ko po