Chapter 113: Panibagong Pahina

Bisperas ng araw ng planong biglang kasal namin ay hindi ko inaasahang lalapitan ako ni Daddy. Nasa kusina ako noon at nagtitimpla ng gatas na hiling sa akin ni Zaria. Samantalang ang ibang mga kasama ay nasa labas, abala kung saan.

"Hilary, pwede ba tayong saglit na mag-usap?"

Nilingon ko siya, medyo nagulat pero kapagdaka ay tumango. Hindi ako nagtanong kung tungkol sa saan ang pag-uusapan. Nahihimigan ko na. Ito rin ang unang pagkakataong mag-uusap kami ng kami lang. Usually dati, kasama namin si Azalea.

"Ibibigay ko lang ito sa mga bata."

Sinadya ko na si Zaria sa silid niya kung saan ay kasama niya roon ang kambal na anak ni Glyzel. Naglalaro ang mga ito. Akalain niyo iyon? Ilang buwan lang pala ang tanda ni Zaria sa anak ni Glyzel. Ibig sabihin noong nawala siya ay ayon na. Napakagaling maglihim, wala rin kaming alam. Tatlong baso ang tinimpla ko para kung sakaling humingi ang kambal ay may maibigay din ako.

"Thank you very much, Aunt Hilary." kurong saad ng kambal na mabilis