Chapter 13

Allysa Chloe Hernandez

Pagkatapos naming kumain ng dessert at magpahinga ng kaunting oras ay naglakad na kami palabas ng restaurant.

Pumara ng taxi si Dave Arkiel para kina Kenny at Bea. Pinauna na niya ang mga ito dahil kailangan pa daw naming mag-usap. Ayaw pa sana akong iwanan ng dalawa pero sinabi kong okey lang ako kaya pumayag na din sila. Malapit na din kasing gumabi at baka mapagalitan si Bea may pagkastrikto pa naman ang mga magulang nito.

Habang nasa parking area ay naisipan kong tawagan si Mommy. Nag paalam ako saglit kay Dave Arkiel at naglakad ng kaunti sa may gilid. Gusto ko lang ipaalam sa kanya kung nasaan ako para hindi siya mag-alala. Mabuti na lang at sinagot niya agad.

"Hi mommy, gusto ko lang pong sabihin na medyo malalate po ako ng uwi mamaya. Kasama ko po si Dave Arkiel may pupuntahan lang po kami pasabi na rin po kay daddy baka sakaling magtanong siya kung nasaan ako."

Sambit ko sa kanya.

"Ah ganoon ba. Sige anak mag-iingat kayo. Text me when you get home ha.