CHAPTER 7

Napalunok si Olivia.

            Gabriel Craig.  Wow, pati pangalan guwapo. . .

            Nataranta siya nang ilahad nito ang kamay sa kanya, “Finally, na-meet ko na rin ang ipinagmamalaki ninyong girlfriend, Don Miguel,” ewan kung bakit pakiramdam niya ay may bahid na galit ang tono ng pananalita nito.

            At waring tumagos iyon sa kanyang mga kalamnan.

            Easy, Olivia.

            Sino ba ang lalaking ito para paapekto ka?  Hinga ng malalim. Balik sa dating gawi.  You are Olivia Reid.  Matapang at walang inuurungang laban.  Wow, gusto niyang matawa sa sarili. Ano bang kalokohan itong nangyayari sa kanya?

<