Kabanata 15

Game of Love

Nakahiga si Barry sa mahabang sofa habang nakangiting binabasa ang profile ni Yumi pina-background check n'ya kasi ito. Hindi n'ya maintindihan kung bakit naging interesado s'ya dito.

"Ibang klase, simula ng highschool s'ya iskolar na kaya naman pala gano'n sobrang kapal ng salamin n'ya," kausap  ni Barry sa sarili.

"Hoy Barry, tumayo ka na d'yan late na tayo," sigaw sa kanya ni Mark.

"Kanina ka pa titig na titig d'yan! Don't tell me, interesado ka sa kanya? Baka naman type mo na?" sabi ni Masu.

"No way! Hindi ako magkakagusto sa Manang noh! I'm just curious, 'yon lang."

"Curious? Talaga lang huh? Kaya pala pinatalo mo 'yong racing natin para lang balikan s'ya. Alam mo ba kung magkano ang natalo sa 'tin?" sambit naman ni Mario.

Tumayo si Barry at pinaghahampas sila ng folder sa ulo.

"Kung hindi ko pinatalo 'yong race kagabi, hindi mo sana nakausap si Mint! Umalis na nga tayo susunduin pa natin si Manang," sabi ni Barry at nauna nang lumabas.

Nauna na kasing pumasok sila Kim dahil may special class sila. Kailangan nilang habulin ang mabababang grades nila. Paano? Ang tatalino puro lakwatsa ang ginagawa kaya naman tuloy ngayon naghahabol sila. Nakiusap si Kim na kung pwede ihatid ni Barry si Yumi sa University. Wala kasi itong kasabay, delikado kasi talaga sa lugar nila. Maraming masasamang loob kaya naman nag-aalala sila kay Yumi.

**********

Nag-aabang ng jeep si Yumi papuntang University nang may marinig s'yang familiar na tunog ng motor. Lumingon s'ya at inaninag ito then her heart beats so fast when she recognized that it's Barry. Namukaan n'ya rin ang mga lalaking kasama nito, sila 'yong sa secret garden. Napaatras s'ya nang huminto ang mga ito, bumaba si Barry at nagpunta sa kanya and before she knew it, nasa harapan na n'ya ito.

"Hoy Manang! Ganyan na talaga itsura mo. Papasok ka? Sigurado ka?" 

Tinitigan s'ya ni Barry mula ulo hangang paa.

"B-bakit?"

"Kulang na lang kasi mag belo ka eh, mukha ka ng madre hahaha."

"Ano ba kasing kailangan n'yo? Kung mangiinis lang kayo, pwede bang umalis na kayo."

"No! Lagot ako kay Kim kapag ginawa ko 'yon! "

"Bakit naman?"

"Sabi n'ya, ihatid daw kita!"

Nanlaki ang mga mata ni Yumi dahil sa narinig. Loko rin kasi itong si Kim  mahigpit na bilin nito na huwag lalapit at umiwas lalo na kay Barry pero ano kaya itong ginagawa n'ya ngayon.

"A-ayaw ko, hindi ako sasabay sa inyo. Kaya ko naman eh."

"Tsk! Pwede ba, huwag kang feeling d'yan. Ang akala mo ba, gusto kita ihatid. Ginagawa ko lang ito dahil kay Kim."

"Eh di huwag mo akong ihatid kung napipilitan ka lang, pakeilam ko naman sa 'yo!"

"Ang kulit!"

Lumapit si Barry sa kanya at sapilitan s'yang hinila papalapit sa motor.

"Sasakay ka sa ayaw at sa gusto mo!

Dahil kung hindi ..."

"Ano!"

"Hahalikan kitang Manang ka!" Natuptop ni Yumi ang bibig nang inilapit ni Barry ang mukha n'ya.

"S-sasakay na."

"Good!"

Sabay tinapik-tapik ni Barry ang ulo n'ya na parang pinapaamong tuta.

"Kumapit ka!" utos pa nito.

Si Yumi naman kumapit nang bahagya sa balikat ni Barry.

"Ano ka ba naman! Gusto mo bang malaglag? Hindi ganyan ang tamang pagkapit, dapat ganito," pilyong napangiti si Barry. Kinuha ang dalawang kamay n'ya at iniyakap sa baywang. Si Yumi naman napasinghap nang madama ang sunod-sunod na umbok sa tiyan nito.

"You like it?" bulong ni Barry.

Magsasalita pa sana si Yumi pero pinaharurot na ni Barry ang big bike nito kaya naman mas lalo s'yang napayakap at nasubsob dito.

**************

Pagdating sa University, kaagad na tumakbo si Yumi pagbaba n'ya sa motor. Pinagtitinginan kasi s'ya ng mga tao,  mukhang mapapahamak talaga s'ya  dahil sa mga ito. Kulang na lang kasi sakalin s'ya ng mga babae o kaya ibaon sa lupa dahil sa mga masasamang tingin. Buong klase, wala s'yang narinig kung hindi ang usap-usapan na mayro'n daw babae na nakaangkas kay Barry hina-hunting nila ngayon kung sino kaya naman si Yumi todo iwas at yuko.

"Kakainisssss!" bulong n'ya sa sarili habang nagtatago sa mga tao papunta sa cafeteria. Feeling n'ya tuloy spy s'ya dahil sa ginagawa n'ya.

Umorder na s'ya ng pagkain at naupo sa isang bakanteng upuan. Ito na lang kasi ang walang tao kaya naman hindi na s'ya nagdalawang isip pa. Wala pa rin kasi sila Kim nagpapaka-genius na yata. Habang kumakain s'ya, kinuha n'ya ang notes n'ya at nagbasa s'ya. Naiilang kasi s'ya sa mga tao sa paligid n'ya,  pinagtitinginan s'ya na animo'y mayro'n s'yang ginawang kasalanan.

"Wow, you're really studying hard huh."

Napaangat ng tingin si Yumi at napaatras nang makita n'ya si Barry nakasilip ito sa notebook n'ya sobrang lapit ng mukha nila sa isat-isa. Naupo ito sa harap n'ya kasama ang mga kaibigan nito dahilan kung bakit biglang tumahimik ang lahat ng tao sa cafeteria.

"This is the only table that's available," sabi ni Barry. Napatingin s'ya kay Mario tumawa ito.

"Barry, you sound so defensive," sabi ni Mario.

"Shut up!" sagot lang ni Barry sa kanya.

"Huwag nga kayong maingay d'yan, nag-aaral si Yumi," sabi naman ni Mark sabay kagat ng sandwich nito.

"Teka nga! Paano n'yo ba nalaman ang pangalan ko?" tanong ni Yumi sa kanila at tinitigan sila isa-isa.

Hindi sila nagsalita, itinuro lang nila si Barry sabay nagtawanan pero maliban kay Barry. Tinitigan sila nito pailalim. For a moment, she's amaze that they can actually laugh like that.

Noong una kasi itong makita ni Yumi ay mukhang mga basagulero. Pinasadahan n'ya ng tingin isa-isa ang mga ito, start kay Mark naalala n'ya ito 'yong sinabi ni Mint na ex ni Kim mukha itong masayahin at malokong playboy. Si Mario naman minsan seryoso minsan naman makatawa wagas, ito naman ang nanliligaw kay Mint at si Masu may pagka-isip bata, madalas wala itong pakeilam sa mga nangyayari alam lang ni Yumi crush ito ni Nychaa. Saglit s'yang napatitig kay Barry, 

at ito hindi n'ya alam kung anong ugali mayro'n napakamisteryoso kasi ang hirap basahin.

"Yumi, matagal ka na bang nagsusuot ng salamin? Grabe kasi 'yong taas ng grado, ang kapal," tanong ni Mark.

"Ah, oo simula noong bata pa ako."

"Hindi ba, galing kang province?  Marami ba talagang mga lamang lupa do'n?'Yong mga aswang at mangkukulam pati 'yong mga gayuma, totoo ba ang lahat ng 'yon?" tanong ni Mark pero binatukan lang s'ya ni Mario.

"Ang tanda mo na, naniniwala ka pa rin sa ganyan," sabi ni Mario sabay nagtawanan ulit sila.

"Why don't you all finish what you're eating para makaalis na tayo!" aroganteng singit ni Barry sa usapan nila at tinitigan sila isa-isa. Lahat sila napayuko at nagkanya-kanya ng subo sa pagkain.

Hindi maintindihan ni Yumi pero pati s'ya napagaya na rin. Nag-focus s'ya sa pagkain, saglit s'yang napasulyap ng tingin kay Barry. Biglang lumakas ang tibok ng puso n'ya nang makitang nakatingin din ito sa kanya.

"What was that?" bulong ng isip ni Yumi.

Mabilis na n'yang inubos ang pagkain at tumayo.

"Teka, Yumi aalis ka na?" tanong ni Mark.

"O-oo may klase pa ako eh," hindi tumitinging sagot n'ya. Muli s'yang sumulyap sa kanila pero si Barry nakatingin lang sa kanya.

"S-sige," sabi n'ya at mabilis nang lumabas sa cafeteria.

*********************************