Chapter 38

Napatingin sa `kin si Mama nang bumalik kami sa loob ng kuwarto ko para maghandang maligo.

”Aba, mukhang binata na talaga ang anak ko, ha? Pautos-utos ka na lang sa mga tao!” kantyaw n’ya sa `kin.

“Nasanay na lang po ako, Ma, nakakahiya na rin kasi kung magpapatulong pa ko kay Yaya sa lahat nang bagay,” sabi ko. “Saka `di po ba, sabi n’yo, dapat maging mature na `ko para `di ma-turn off sa `kin si Louie.”

“Tama nga naman.”

Napatingin si Mama sa mesa ko at nakita ang sample exam ko kagabi.

”Aba, ikaw ba sumagot nito?”

“Opo, Ma, tinuturuan ako ni Louie, pati na rin ng best friend ko sa school, kaya nakahabol na ko sa topics namin.”

“Talaga pala’ng maganda turo sa Erminguard, ano? Buro mo, ang laki ng imporvement mo!”

“Actually, Ma, sabi ng doctor na kilala ni Louie, masyado daw po mataas ang dosage ng dating gamot ko, kaya na stunt ang development ko, pati ang mental capacity ko, naapektuhan din.”

“Ganon ba?” Mukhang `di nagulat si Mama.

”Nagtataka nga po ako, Ma, bakit nga ba