CHAPTER SEVENTEEN

Annie Pov:

Tuluyan nang bumagsak ang pinipigilan kong mga luha. Ang puso ko ay patuloy na sumisikip at pakiramdam ko ay hindi ako makahinga. Nasaktan ko na naman siya. At sa tuwing ginagawa ko iyon ay doble ang sakit na nararamdaman ko sa puso ko.

Hindi ko matandaan kung una ko siyang minahal?

Pero buhat nang umalis ako noon alam ko sa puso ko na mahal ko na siya at kahit sinubukan kong kalimutan siya ay hindi ko nagawa. Ilang beses kong sinuway ang agreement, nakipag relasyon ako sa mga  lalaking nanliligaw sa akin noon. Pero lahat iyon hindi naman tumagal ng isang buwan. 

Ilang beses kong sinubukan pero wala pa rin. Wala akong nagawa. Ang puso ko hindi lang sa papel naka tali, kundi sa mga maliliit na ala-ala ng isipan ko para sa kanya.

Siguro nga mahal ko na siya. But I am in denial!

Paano nga bang nagawang mahalin ng isang tulad niya ang tulad ko?

Namalayan ko nalang na wala na pala siya sa harap ko. Napatingin ako sa