KABANATA 10

Lumakas ang palakpakan nang nasa itaas na sila ng stage. Sinalubong sila ni Hulyanah sa itaas.

Bahagya itong napasimangot nang mapatitig nang matagal sa magkahawak nilang kamay ni Sky. Agad din namang ngumiti ito nang ibaling ang mga mata sa mukha ng lalaki.

"Salamat sa paghatid sa birthday girl natin, Sky. Ngayon, ibibigay ko na ang mic kay Braillene at ihanda na natin ang ating mga tenga sa maganda niyang boses!" Anunsiyo uli ni Hulyanah na muntik pang matawa sa huling sinabi nito.

"Braille, kaya mo iyan!" Magkapanabay na sigaw ng mga kaibigan niya na ngayon ay nasa pinakaharapan sa ibaba ng stage.

Nang mapatingin siya sa mga ito ay nakita niya ang nanunuksong mga tingin ng tatlo. Alam ng mga itong patay na patay siya kay Sky.

Nanginginig pa yata ang mga kamay niya nang kunin ang inabot na mic ni Hulyanah. Ang laki ng ngiti nito nang bumulong sa kanya.

"Good luck. Huwag naman sanang umulan pagkatapos mong kumanta, noh?"

Muntik na niya itong bigyan ng malalim na irap.

"Ano'ng kakanta