KABANATA 11

Inilapit pa niya ang mukha sa salamin habang nire-retouch ang maitim na eyeliner sa mga mata. Inayos niya na rin ang kilay niya. Nang masiyahan ay kinuha niya ang dark lipstick sa bag saka naglagay uli.

Nagpa-pout pa siya ng mga labi bago ibinalik ang lipstick sa bag. Sinuklay niya ng mga daliri ang wavy na buhok na hanggang tenga.

Iyong tenga niya naman ay may tigtatlong hikaw na silver. Muntik pa nga siyang magpalagay din sa ilong pero hindi niya na lang ginawa. Alam niyang hindi na naman siya titigilan ng sermon ng Mommy niya kung gagawin niya iyon.

"Ang tagal mo naman diyan, Braille!" Naiinip na sabi ng isa niyang kaklase na katulad niya ay makapal din ang eyeliner at may dark violet na lipstick.

"Heto na at tapos na!" Sabi niyang lumingon na rito.

Nasa loob sila ng C.R ng school. Tapos na ang klase nila sa araw na iyon at papauwi na sila.

Pero siyempre, hindi siya didiretso ng bahay. Tatambay muna sila ni Angel, ang may emo-look din niya na friend, sa isang abandonadong bahay sa