KABANATA 51

Hindi muna siya tumanggap ng projects sa Maynila. Gusto niyang mapag-isa muna. Kahit tahimik ang mga magulang niya ay alam niyang inoobserbahan ng mga ito ang bawat kilos niya.

Hindi rin niya alam kung paanong bigla na lang nag-shut down ang pakiramdam niya. Kung dati ay panay ang iyak niya tuwing naaalala si Sky, ngayon ay nababalot siya ng galit kapag naiisip ang mga panahong sinayang niya para sa lalaking wala naman siyang naging kasalanan kundi ang mahalin ito.

Plano niyang magbakasyon muna sa Tarlac kahit mga ilang linggo lang. Hindi nga maalis-alis ang pag-aalala ng mommy niya dahil gusto pa nga nitong samahan siya sa pagbabakasyon niya.

But she insisted na kailangan na kailangan niya munang mapag-isa. Mabuti na lang at nakumbinsi niya ito.

Paulit-ulit nitong sinasabi na huwag siyang gumawa ng bagay na ikakapighati ng mga ito.

Naisip ba ng mommy niya ba baka may plano siyang magpakamatay?

Kinilabutan siya sa isiping iyon. Hindi niya bibigyan ng rason si Audrey na magpakasaya pa