19-Born To Be This Way

(Cami POV)

Natapos ang klase pero di na ako pinansin ni Dylan. Tsk kinuha ko ang payong at naglakad na papunta sa parking. Unahan ko siya sa kotse niya baka mamaya iwanan na naman ako dahil kay Zaneah. 

Palagi na lang si Dylan kina Zaneah. Dapat lang bodyguard siya nito pero nakakaselos parin. 

Minsan natutulog akong magisa sa bahay ni Dylan, paano kasi wala akong bahay. Palaboy ako nung mapulot ni Stan at dun ko nakilala si Dylan nung pinasok ko ang pagiging Stygian. 

"Wait Cami, bakit iisang payong lang ang dala mo? Paano naman ako?" Tawag ni Dylan, kasama niya si Theron. 

"Eh alangan magdala ako ng dalawa eh isang tao lang ako," masungit na sagot ko.

Tumawa si Theron at nilagpasan na nila akong dalawa. 

"Dylaaaaaaaan!" Tawag ni Zaneah, tumatakbo papunta kay Dylan, nakasunod sa kanya si Aiden.