Chapter 47

"Kailan ka ba babalik dito, Gregor?  Baka naman hindi ako makapag-asawa dahil ipinaubaya mo na sa 'kin lahat ng responsibilidad dito?" 

Tumawa siya sa kabilang linya.  Ang dapat na ilang buwan niyang pagbabakasyon sa Maynila ay nauwi sa dalawang taon dahil nagkaroon sila ng partnership ng supplier niya.  Mas lumaki ngayon ang Angeles Builders dahil sa dagdag na investors.  Siya ang nag-aasikaso sa orders ng kumpanya sa Maynila.  Paminsan-minsan ay nagpupunta siya sa Puerto Princesa kapag may importanteng meeting sa malalaking kliyente doon.  Minsan naman ay kinakaya na ni Adrian kasama ang buong team ng Angeles Builders.  Sa loob ng dalawang taon ay baka wala pang sampung beses siyang bumalik sa Puerto Princesa para dalawin ang kumpanya.  At sa lahat ng iyon, iniwasan niyang mapadako sa Falcon Group of Companies.  Kahit pa noong lumabas ang balita na ang ama ni Olive ay may hypersexual disorder matapos maglutangan ang mga baba