Chapter 22 Consequences II

Kahit hindi niya gustong isipin ay sumasagi pa rin sa kanyang alaala ang mga ginawa ni Andrew, ayaw maalis sa kanyang isip ang pagnanais na saktan ito ng todo hanggang sa hindi na makalakad, kaya naman hindi niya maiuton ang isip sa pag-aaral dahil sa galit.

"Ah, my head hurts! I need some fun and relaxation!" angal niya kay Celina habang sinasabunutan ang sarili dahil sa inis.

"Cy, ilang linggo na lang at Finals na, hindi tayo pwede mag pabaya," paalala ni Celina.

"I know Cel, pero I mean, pwedeng mag-take ng breather, you know to calm the mind." pagrorolyo niya ng mata.

Hindi niya tuloy mapigilan iuntog ang ulo sa mga librong nakalapag sa mesa dahil hanggang ng mga sandaling iyon ay ginugulo pa rin ni Andrew ang kanyang isipan.

"Sige na nga, mabuti pa siguro mag meryenda na muna tayo," ngiting saad ni Celina.

Doon na napatigil si Lucy at napangiti na lamang sa naisip ng kaibigan."Thank goodness. Tara, doon tayo sa favorite nating pares house, namimiss ko na iyong pares at halo-halo