HTGT 51

Abot langit ang ngiti ko habang pinupunasan ko ang luha sa pisngi ko. Ang saya ko! Hindi ko maipaliwanag ‘yung saya na nararamdaman ko ngayon.

Parang ito yung tinatawag na new chapter ng buhay ko. Bagong kabanata na napaka espesyal.

Nanatiling nakaluhod si Harris sa simento, habang bakas sa mukha niya ang matinding kaba.

Saglit kong sinulyapan ang pamilya namin. May hawak ang bawat isa ng mga letra. Mga letra na bumubuo sa salitang ‘WILL YOU MARRY ME’

Ngayon ko lang napansin na nasa tabi ni Mina at Stella ang mga anak namin. Nakalagay sila sa kaniya- kaniya nilang stroller.

“Elle, are you willing to marry me again?” tanong ni Harris ulit.

“Kasal na tayo ‘di ba?” tanong ko ng may ngiti sa labi.

Tumango siya at sinabing. “Yes. Pero gusto kong ikasal tayo ulit. Gusto kong maging memorable ang araw ng kasal natin. This time, ihaharap kita sa altar ng may buong pagmamahal. Please, marry me again.” Sincere niyang sabi.

“Hindi mo naman ako kailangang tanungin, Harris. Kasi papakasa